In cheste sezion si cjate un catalic esaustîf di materiâi didatics fats pe scuele furlane di ducj i ordins e grâts
Lei ancjemò
La ativitât di documentazion che al fâs il Docuscuele e à il fin di poiâ la politiche di tutele de lenghe furlane prudelade de Regjon autonome Friûl Vignesie Julie, di judâ la programazion e la progjetazion di intervents e di servizis a pro de scuele furlane, di contribuî ae formazion dai insegnants e ae informazion des fameis e dai students di ogni ordin e grât di istruzion midiant la difusion di buinis pratichis, la cognossince e la analisi di contignûts e aspiets dal insegnament de lenghe e de culture furlanis.
Cheste ativitât e je pai insegnants, pai students e pes lôr fameis.
La racuelte di documents dal Centri e je specializade su lis tematichis de didatiche de lenghe e de culture furlanis.
La documentazion presinte, relative a progjets e intervents a pro dal insegnament de lenghe furlane, e cuvierç cjamps diferents: bibliografics, leteraris, storics, gjeografics, antropologjics, culturâls, sientifics, filmografics…
Diferentis a son ancje lis tipologjiis di documentazion tratadis: libris in gjenerâl, libris cun ilustrazions, periodics, articui, leterature grise, film in VHS e DVD, cd-rom, presentazions in power point e progjets su supuarts diferents.
La documentazion dade dongje e catalogade e je a disposizion dal public pe consultazion midiant i servizis de Biblioteche de
Societât Filologjiche Furlane.
La Biblioteche de SFF e je vierte al public
di lunis a vinars des 9,00 aes 12,30 e des 14,30 aes 18,00
Tel. 0432.501598 (int.2)
bibliotecafilologicafriulana.it