La “Scuele di Avost” e je un percors di formazion par insegnants che chest an e rive a la sô otave edizion.
E ven inmaneade dal DOCUSCUELE – Centri regjonâl di documentazion ricercje e sperimentazion didatiche pe scuele furlane, ven a stâi il servizi par la scuele de Societât Filologjiche Furlane.
Il prin obietîf da la Scuele di Avost al è chel di fâ incuintrâ i insegnants di furlan par meti adun une comunitât di educadôrs bogns di puartâ in classe l’entusiasim par une lenghe e une culture vivarosis simpri in evoluzion e plenis di novitâts!
Il secont obietîf al è chel di tignî simpri impiade la flame de curiositât dai partecipants par inzornâju su lis gnovis dal mont de editorie, sui lûcs di interès culturâl o ambientâl dal nestri teritori, su lis metodologjiis didatichis plui buinis par difondi la cognossince dal furlan tra i arlêfs.
Si trate di un cors di inzornament increditât daûr des LIniis Vuide MIUR pai insegnants de scuele de infanzie, primarie e secondarie di prin grât.
La partecipazion e je libare e gratuite. Si pues iscrivisi a dut il program, dome a une zornade, dome a une o plui ativitâts a seconde des vuestris disponibilitâts di timp. A la fin ognidun dai insegnants al varà il so atestât di formazion daûr da lis oris fatis. Dut il percors di formazion al è di 16 oris.
Lis ativitâts a son prime di dut pai insegnants, ma a son benvignûts ancje familiârs e amîs, curiôs di cognossi il nestri teritori.
Si à di iscrivisi a la Scuele di Avost 2024 dentri di martars ai 20 di Avost jemplant la schede di iscrizion che si discjame ca parsore. La schede e va compilade in dutis lis sôs vôs cun particolâr atenzion ae sielte da lis ativitâts di fâ e dopo e va inviade a la direzion di pueste info@scuelefurlane.it. La iscrizion e je valide dome se us rivarà une rispueste di conferme.
PROGRAM
MIERCUS AI 21 DI AVOST
MULIN BRAIDA o MULIN DI TILIO – FLAMBRI di Talmassons (Ud)
Des 9,00: regjistrazion dai partecipants e salûts des autoritâts
9,30-11,30: visite dal biotop des risultivis di Flambri in compagnie di Ermanno Zanello, Mariarosa Depangher e Gaetano Cogoi (Associazion La Marculine)
11,30-13,00: presentazion dal libri “Tal ort sinergjic cun Masanabu e Emilia” e laboratori “Ort sinergjic parcè che insiemi si pues” par cure di Annetta Bertolini
13,00-14,30: polse pal gustâ (li dal mulin Braida al è pardabon tant spazi par podê fâ un picnic sul prât o ancje sot di un puarti: us conseìn di puartâsi daûr alc par gustâ)
14,30-16,00: presentazion dal diari OLMIS par l’an scolastic 2024-2025, dedicât al teme des tradizions popolârs tai nestris paîs.
Vision dai filmâts etnografics di Olivia Averso Pellis
Laboratori didatic par imparâ lis regulis de interviste etnografiche
Consegne dai diaris Olmis 2024-2025 a ducj i insegnants presints
16,00-17,30: progjet “Vê Cure”: presentazion des Unitâts didatichis di aprendiment su la partecipazion ative e il volontariât in Friûl par cure di Linda Facini, Tamara Pozzebon e Anna Zossi, curadoris de publicazion digjitâl.
Laboratori didatic “Lis mês mans”
JOIBE AI 22 DI AVOST
MUSEU CASA CLAUTANA e CIASA DA FUM, PARC DES SCULTURIS – CLAUT (Pn)
10,00-11,30: visite dal Museu Casa Clauta e Ciasa da Fum in compagnie di Fulvia De Damiani (Associazion Museo Casa Clautana)
11,30-13,00: visite dal Parc des sculturis in compagnie di Fabiano Bruna, vuide naturalistiche dal Parc Naturâl des Dolomitis Furlanis
13,00-14,30: polse pal gustâ (in autonomie cu la pussibilitât di un menù a un presit speciâl li dal albierc e ristorant Dolomiti)
14,30-17,30: laboratoris didatics Zuiâ e vivi in nature: geocaching a Claut cun Dario Cancian, vuide naturalistiche e autôr dal volume “In Natura nel Friuli Venezia Giulia. 35 passeggiate e facili escursioni per immergersi nel patrimonio naturalistico regionale” edizion CO.EL.
Vie par cheste zornade al sarà ancje il secont laboratori dal progjet “Saperi al setaccio: la cucina del ‘900 in Friuli”, che al viôt il Museu de Ciasa Clautana tant che partner. Il laboratori, tignût di Alessandro DI Pauli e Chiara Signorini di Mateârium pe scriture creative e dal regjist Marco D’Agostini pe creazion di video, al è dome pai insegnants iscrits al cors in linie che al covente par finî il percors di formazion e vê l'atestât.
MARTARS AI 27 DI AVOST
SEDE DE PROTEZION CIVÎL DAL FRIÛL VIGNESIE JULIE, Palme - vie Nadison n. 43
9,30-11,00: visite de sede de Protezion Civîl par cure dal Servizi volontariât, nue 112 e sistemis tecnologjics de Regjon Autonome Friûl Vignesie Julie
11,00-12,30: salûts dal Assessôr regjonâl Riccardo Riccardi e presentazion dal fumut “STRAordenaris | STRAordinari” par cure di Aretha Battistutta, ilustradore, e Barbara Cancian, autore dai tescj. Consegne dal fumut a ducj i insegnants presints