IL NÛFCENT DI UGO FRA STORIE E PERAULIS
Un percors par scuvierzi la figure e la opare di Ugo Pellis, protagonist dal prin Nûfcent furlan.
La propueste didatiche e zire ator di cinc peraulis clâf: PERAULIS, ATLANT, CONFINS, VIAÇ, OGJETS.
PROPUESTE DI SPERIMENTAZION DIDATICHE
Un percors didatic di proponi tes oris di furlan che al rivuarde Ugo Pellis. A son stâts creâts trê modui: doi pe primarie, par cure di Tamara Pozzebon e Angela Tedeschi, e un pe secondarie di I grât, par cure di Donatella Bello.
Par scuvierzi cemût partecipâ ae sperimentazion e par savê cemût vê i materiâi l’apontament al è par miercus ai 10 di Fevrâr des 17.00 aes 18.00.
Chi o podês tornâ a viodi l'incuintri:
I INCUINTRIS FORMATÎFS PAI INSEGNANTS
LIS PERAULIS E IL VIAÇ
Lis PERAULIS che nus à lassadis Ugo Pellis, la sô testemoneance e il VIAÇ de sô vite a saran analizâts di
Gabriele Zanello, de Universitât dai Studis di Udin, e in graciis dal docufilm L’Atlante della Memoria, cu la regjie di
Dorino Minigutti. Vinars ai 19 di Fevrâr des 17.00 aes 19.00.
Chi o podês tornâ a viodi l'incuintri:
L'ATLANTE
Il lavôr dal Pellis che al puartà ae redazion dal ATLANT Linguistic Talian e dal Atlant Storic Linguistic Etnografic Furlan al sarà indagât di
Federica Cugno, de Universitât dai Studis di Torin, e
Carla Marcato, de Universitât dai Studis di Udin. Miercus ai 24 di Fevrâr des 17.00 aes 19.00.
Chi o podês tornâ a viodi l'incuintri:
CONFINS
Tabaiâ de storie dal Friûl al vûl dî ancje tabaiâ di une storie di CONFINS, cui lôr cambiaments e cui tancj significâts che si puartìn daûr. Cheste storie e sarà contade di Angelo Floramo. Martars ai 2 di Març des 17.00 aes 19.00.
Chi o podês tornâ a viodi l'incuintri:
LA FOTOGRAFIE
Tra i OGJETS plui preziôs che nus à lassât in ereditât Pellis a son lis sôs lastris fotografichis, che a vignaran presentadis di Stefano Perulli. Daspò si scuvierzarà ce che al vûl dî fâ il reporter al dì di vuê insiemi cun Paolo Youssef e Giulio Magnifico, viodint la evoluzion de fotografie tai agns. Miercus ai 10 di Març des 17.00 aes 19.00.
Chi o podês tornâ a viodi l'incuintri:
I incuintris a son a gratis e increditâts daûr des Liniis Vuide MIUR. Ae fin dal percors di formazion al vignarà dât fûr un atestât a seconde des oris fatis.
Dut il percors si tignarà in linie su plateforme Zoom (i link di acès a vignaran mandâts vie mail a cui che si notarà).
Si à di notâsi dentri di miercus ai 10 di Fevrâr compilant la schede che si vierç fracant sul boton ISCRIVITI.
Us rivarà subit une conferme de vuestre iscrizion, ma se no us rive scrivêt une mail a info@scuelefurlane.it o ben clamait il n. 0432-501598 int. 5.