Frute biele

Daspò di un laboratori sul Vaiont a metât Març dal 2022, li che si à fevelât di une frutine (Mariline) che e à lassât sul so diari il ricuart de sô vite pûr trop puartade vie de tragjedie dal 9 di Otubar dal 1963, par fâ un struc e ancje une personalizazion di chel che si à imparât, cui fruts si à cirût di scrivi une piçule filastrocje (o storie o poesie) che e ripuarte il dialic imagjinari jenfri il diari e Mariline: il diari si domande sul parcè che la frute no scrîf plui e la frutine e spieghe e ancje e justifiche la so disparide domandant al amì fidât di jessi MEMORIE di chel che al è sucedût.

Descrizion document

CONTIGNÛTS E ATIVITÂTS
1. Costruzion di une filastrocje/un test/ une poesie cul grup classe; corezion necessarie de bande de docente;

2. Definizion de melodie de bande de docente, condivision e inizi analisi de stesse cul grup classe;
a. Prime riproduzion de bande de docente
b. Scolte de bande dai fruts
c. Inizi piçule analisi orâl doprant une semplice schede
d. Riproduzion par imitazion di grup de prime strofe de cjançon

3. Leture ritmiche:
a. Cun esercizis ritmics di preparazion;
b. Cun esercizis su la melodie di classe;
c. Zûcs ritmics;

4. Leture melodiche:
a. Cun esercizis melodics di preparazion;
b. Cun esercizis su la melodie di classe;
c. Zûcs melodics;

NB: sedi la leture ritmiche che la leture melodiche si puedin alternâ a seconde di cemût che si viôt lavorâ i fruts.

Lenghe

friulano;

Grafie uficiâl

Sì

Document / Imprest

Frute biele