Din din din don Palonie

Cheste unitât didatiche e je dedicade ai fruts de scuele primarie a tacâ de classe seconde - ven a stâi che i fruts a son bogns di lei il test de cjante. Si scuen intindile tant che part di un percors di educazion musicâl ispirât al metodi Kodály riadatât par lis esigjencis dai fruts furlans.
Cheste unitât didatiche si inserìs idealmenti intun percors che al à l’intindiment di doprâ lis vieris filainis e cjantis tradizionâls – lis cjantis dai vons e bisavons, par disfrutâ il leam di efiet cuntun passât significatîf – par insegnâ ai fruts elements di teorie musicâl.
I fruts a cognossin za des lezions precedentis:
• lis notis SOL e MI, par cumò scritis su dôs riis – il pentagram complêt nol è stât
inmò introdusût;
• la figure ritmichis de semiminime, clamade “ta” su ispirazion dal metodi Kodály;
• la polse relative de semiminime, clamade “uno” e su ispirazion dal metodi Kodály.
Il proponiment di cheste unitât didatiche al è la introduzione de note LA e de figure de minime e de sô polse relative par mieç de cjante tradizionâl furlane “Din din din don Paolonie”.