La plui biele tradizion de scuele furlane e je deventade chê dal diari bilengâl Ólmis, une tradizion che di vincjevot agns e compagne a scuele ducj i fruts dal Friûl. Al è un diari “torzeon”, un diari che ogni volte nus mene in cualchi puest particolâr, magari dome cu la fantasie, che nus propon simpri alc di gnûf par fânus cognossi miôr la storie, l’ambient e lis tradizions de nestre tiere.
Argoment de edizion di chest an al è il grant patrimoni des contis popolârs, la narative di tradizion orâl che, cjapade sù di studiôs e ricercjadôrs a partî de seconde metât dal Votcent, e revoche l’anime e la vite dal nestri popul. Tal Ólmis o vin duncje une cerce di chest tesaur, ma cetantis altris informazions e soredut materiâi di leture o podìn cjatâ tal grant archivi di passe 2.300 contis dadis dongje tal timp e publicadis sul sît de Societât Filologjiche: www.filologicafriulana.it/biblioteca-e-archivi/racconti-popolari-friulani, un archivi ordenât par titul, localitât e informadôr. E ancje chest al podarès jessi un biel “compit par cjase” pai fruts: chel di domandâur ai nonos lis contis di cuant ch’a jerin fruts lôr e di lâ a cirî se lis cjatin tra chês che si lein ta chestis pagjinis o magari sul nestri sît.
Bielis lis contis furlanis, che chi a son presentadis di Adriana Cesselli, Magda e Vittorina Carlon su rielaborazion di Chiara Carminati, e ancjetant bielis lis ilustrazions che lis insiorin, fatis dai ilustradôrs ch’a àn fate la fortune di cheste publicazion dal prin an de sô jessude!
__
La più bella tradizione della scuola friulana è diventata quella
del diario bilingue Ólmis, una tradizione che da ventotto anni
accompagna a scuola tutti i bambini del Friuli. È un diario
“giramondo”, un diario che ogni volta ci porta in qualche posto particolare,
magari solo con la fantasia, che ci propone sempre qualcosa di nuovo per
farci conoscere meglio la storia, l’ambiente e le tradizioni della nostra terra.
Argomento dell’edizione di quest’anno è il grande patrimonio dei racconti
popolari, la narrativa di tradizione orale che, raccolta da studiosi e ricercatori
a partire dalla seconda metà dell’Ottocento, ricorda l’anima e la vita del
nostro popolo. Nell’Ólmis abbiamo dunque un assaggio di questo tesoro,
ma tante altre informazioni e soprattutto materiali di lettura possiamo
trovare nel grande archivio di oltre 2.300 racconti accumulati nel tempo e
pubblicati sul sito della Società Filologica: www.filologicafriulana.it/biblioteca-e-archivi/racconti-popolari-friulani,
un archivio ordinato per titolo, località e informatore. E anche questo
potrebbe essere un bel “compito per casa” per i bambini: quello di
domandare ai nonni i racconti di quando erano bambini loro e andare a
cercare se li trovano tra quelli che si leggono in queste pagine o magari
sul nostro sito.
Belli i racconti friulani, che qui sono presentati da Adriana Cesselli, Magda e
Vittorina Carlon su rielaborazione di Chiara Carminati, e altrettanto belle le
illustrazioni che li arricchiscono, realizzate dagli illustratori che hanno fatto
la fortuna di questa pubblicazione dal primo anno della sua uscita!