25 illustradoris e ilustradôrs furlans a àn firmât la grafiche des edizions 2022 dal Strolic furlan, dal Lunari e dal diari scolastic Olmis, burîts fûr de Societât Filologjiche Furlane.
Lis tecnichis e i stîi, diferents artist par artist, a son la testemoneance de vivarositât creative dal nestri teritori e de sô dimension internazionâl propit in gracie dal lengaç visîf.
Une sezion de mostre e je dedicade al diari Olmis 2022-23, là che lis figuris a nassin di dîs storiis gjavadis fûr de golaine des "Contis popolârs furlanis" tornadis a scrivi pe ocasion di Chiara Carminati.
Vinars ai 18 di Novembar in ocasion de scree de mostre, la ilustradore Silvia Pignat e tignarà un laboratori pai fruts:
Dì par dì... Illustriamo un nostro calendario
La mostre si pues viodile fin ai 8 di Zenâr dal 2023 di lunis, miercus e vinars di 3 daspomisdì aes 7 sotsere.
Sabide e domenie ai 26-27 di Novembar, 3-4, 10-11, 17-18 di Dicembar e 7-8 di Zenâr di 3 fin 5 daspomisdì.
La mostre e je sierade ai 28 e 30 di Dicembar.
Lis scuelis a podaran viodi la mostre su prenotazion e fâ un laboratori cu la ilustradore Silvia Pignat.