SCUELE DI AVOST 2026

PALUCE - CESFAM
ai 24, 25 e 26 di Avost

La decime edizion de SCUELE DI AVOST e rive cuntune propueste dal dut gnove!

O sarìn ospitâts te struture dal CESFAM (Centro servizi per le foreste e le attività delle montagne) di Paluce cu la pussibilitât di durmî inte forestarie dal centri (60 puescj par durmî) cun servizi di ristorazion interni.

La propueste come simpri e je pai insegnants di ducj i grâts: de scuele de infanzie fin ae scuele secondarie di prin grât.

O larìn a presentâ dutis lis gnovis de editorie, tacant dal diari Olmis che chest an al sarà dedicât al mont des siencis, o larìn a cognossi il teritori, pardabon siôr sedi dal pont di viste naturalistic che storic, o larìn a aprofondî la tematiche cussì atuâl de educazion tal viert in gracie di un incuintri curât de Universitât di Udin, o metarìn lis “mans in paste” e o zuiarìn cu la nestre creativitât in laboratoris tignûts di ilustradôrs e archeolics. Di sere o viodarìn insiemi l’ultin docufilm prodot de Filologjiche e o jentrarìn te anime di une puartadore cjargnele compagnâts de musiche. E po o starìn insiemi trê dîs par confrontâsi e cressi cu lis propuestis e lis riflessions che o fasarìn sul mont de scuele furlane: us spietìn in tancj!!!

Come simpri o vês la plene libertât di partecipâ a dute la iniziative o dome a une zornade, o ancje dome a une ativitât a seconde dal timp che o vês libar! Us vignarà dât un atestât di frecuence daûr da lis oris fatis vie pai trê dîs di formazion.

Pes informazions: info@scuelefurlane.it | 0432-501598 (int. 5)

La nestre sede e restarà sierade par feriis dai 7 ai 16 di Avost, ma o rispuindìn a lis mail!

LUNIS AI 24 DI AVOST

Des 9,00 regjistrazion

10:00 viertidure de decime edizion de Scuele di Avost salûts des autoritâts

10:30 presentazion dal diari Olmis 2026-2027 e la sience des stagjons cun Letizia Diamante, divulgadore sientifiche e autore dai tescj e cun Elena Veronesi, ilustradore

11:15-11:30 polse pal cafè

11:30 Presentazion di Architeture par furlan. Schedis didatichis par imparâ a cjalâ lis oparis architetonichis dal Friûl, gnûf volum de golaine “I Cuaders dal Docuscuele, par cure dai docents di CollinRete cun Maurizio Driol, Laura Nascimben, Donatella Bello

12:15 Presentazion dal libri ilustrât in 5 lenghis Il dono di Betarice sul Cjistiel di Gurize e la vite di ducj i dîs inte Ete di Mieç cun Barbara Jelenkovich, ilustradore

13:00-14:30 polse pal GUSTÂ dentri la struture dal CESFAM o in autonomie

14:30-16:00 /16:30-18:00 (3 oris): LABORATORIS IN SIMULTANIE (cui che si segne a un laboratori nol podarà fâ altris laboratoris!)

A TEATRI CUN BIATRIÇ cun Barbara Jelenkovich Tecniche complete di narazion par imagjin e scriture de durade di 6 oris: 3 oris ai 24 e 3 oris ai 25 di Avost cun ativitâts diferentis e complementârs. Adat a insegnants di scuele de infanzie, primarie e secondarie di prin grât. Su la fonde dal libri “Il dono di Betarice” si larà a creâ une gnove storie sedi midiant di une tecniche pitoriche (la tecniche da lis cjartis tintis) sedi midiant di une tecniche narative che a permetaran di meti in sene lis contis di ducj i partecipants doprant il Kamishibai, antîc teatri portatil gjaponês.
STORIIS PLATADIS cun Elena Veronesi Laboratori di 3 oris che si tornarà a fâ compagn martars ai 26 di Avost par doi grups diferents di insegnants; laboratori adat a insegnants di scuele primarie parcè che al è leât al diari Olmis 2026-2027. Un particolâr che al somee banâl al devente protagonist di une conte. Diferentis tecnichis artistichis a trasformaran formis semplicis in personaçs in stât di contâ storiis in gracie dal colôr che al trasforme dut! O larin a creâ il nestri Cuader des storiis, dulà doprâ lapis, pastei, penarei, colôrs a tempare cun tante creativitât!
FÛR DE AULE, DENTRI DAL TERITORI cul prof. Andrea Guaran e cun Giulia Masarotti de Universitât dal Friûl La educazion tal viert intes scuelis dal Friûl Vignesie Julie tant che risorse par creâ relazions tra lûcs e teritori Presentazion dai dâts de ricercje puartade indenant in regjon su lis esperiencis tal viert. Testemoneancis e câs pratics cu la mestre Letizia Miotti de scuele de infanzie di Cuie (IC Tarcint) e Laura Hvalic de scuele de infanzie Pikapolonica di Piume (IC cun lenghe di insegnament slovene di Gurize). L’incuintri al previôt ancje une esperience laboratoriâl tal viert e un moment conclusîf di confront su lis pussibilis conessions tra educazion tal viert, relazions cul teritori, lenghe furlane e minorancis linguistichis.

CENE dentri la struture dal CESFAM o in autonomie

21:00 Proiezion dal docufilm Barbara Jelenkovich: Viaggio nel Friuli illustrato, prodot di Societât Filologjiche Furlane cu la regjie di Maurizio Callegaro

DURMÎ dentri la struture dal CESFAM o in autonomie

MARTARS AI 25 DI AVOST

10:00-13:00 Visite acompagnade a la malghe Promôs cun Andrea Pincin, responsabil dal CESFAM

13:00-14:30 polse pal GUSTÂ dentri la struture dal CESFAM o in autonomie

14:30-16:00 /16:30-18:00 (3 oris): LABORATORIS IN SIMULTANIE (cui che si segne a un laboratori nol podarà fâ altris laboratoris!)

1. A TEATRI CUN BIATRIÇ cun Barbara Jelenkovich Tecniche complete di narazion par imagjin e scriture de durade di 6 oris: 3 oris ai 24 e 3 oris ai 25 di Avost cun ativitâts diferentis e complementârs. Adat a insegnants di scuele de infanzie, primarie e secondarie di prin grât. Su la fonde dal libri “Il dono di Betarice” si larà a creâ une gnove storie sedi midiant di une tecniche pitoriche (la tecniche da lis cjartis tintis) sedi midiant di une tecniche narative che a permetaran di meti in sene lis contis di ducj i partecipants doprant il Kamishibai, antîc teatri portatil gjaponês.

2. STORIIS PLATADIS cun Elena Veronesi laboratori di 3 oris compagn di chel di lunis ai 25 di Avost par doi grups diferents di insegnants; laboratori adat a insegnants di scuele primarie parcè che al è leât al diari Olmis 2026-2027. Un particolâr che al somee banâl al devente protagonist di une conte. Diferentis tecnichis artistichis a trasformaran formis semplicis in personaçs in stât di contâ storiis in gracie dal colôr che al trasforme dut! O larin a creâ il nestri Cuader des storiis, dulà doprâ lapis, pastei, penarei, colôrs a tempare cun tante creativitât! 3.

DAL DÎ AL FÂ: LABORATORI DI ARCHEOLOGJIE ESPERIENZIÂL cun Martina Zamaro Laboratori di 3 oris che si tignarà dome martars ai 25 di Avost. Mans in paste par modelâ la arzile, moviments fins pe urdidure al telâr, sens estetic par creâ braçalets: il lavôr di artesan dal passât al da cetantis oportunitâts di sperimentâ cun materiâi diferents doprant ognidun il so estri.

CENE dentri la struture dal CESFAM o in autonomie 20:30 Leture in musiche “Fiore di roccia” gjavade fûr dal romanç di Ilaria Tuti cun Serena Fogolini, Andrea Miola (mandulin) e Giulia Pizzolongo (ghitare)

DURMÎ dentri la struture dal CESFAM o in autonomie

MIERCUS AI 26 DI AVOST

10:00-10:40 Presentazion dal fumet SILVIE E L’ORCUL cun Gio Di Qual e Gio De Luca. Il fumet, vincidôr dal Premi Leterari San Simon, al è stât publicât di Filologjiche in ocasion dai 50 agns dal taramot dal Friûl

11:00-12:00 Presentazion dal gnûf zûc linguistic didatic PODOPO cun Alessandro Di Pauli. Al è il zûc dai conetîfs logjics che ti jude a peâ i events di une storie e a dâ coerence ai tiei resonaments. Produsût di Societât Filologjiche Furlane in colaborazion cun Servi di Scena A.P.S. MateâriuM laboratori permanent di scriture.

12:00-13:00 Presentazion dai dâts de prime edizion dal cors SCRIVI A SCUELE di bande di Ada Bier che e presentarà la seconde edizion dal cors in partence a Zenâr dal 2027

13:00-14:30 polse pal GUSTÂ dentri la struture dal CESFAM o in autonomie

15:00 visite dal MUSEU DE GRANDE VUERE di Tamau

Pes iscrizions o vês di compilâ chest modul google in dutis lis sôs sezions a seconde di ce che o vês gust di fâ vie par chescj trê dîs:

https://docs.google.com/forms/d/e/1FAIpQLSd_J83wmn_m5YOIvc_4dPuIfYaB3Vc0UPgLzR4pwyDSCP9X3A/viewform?usp=publish-editor

La sale conferencis e à 60 puescj e a son dôs aulis didatichis dulà che o fasarìn i laboratoris dal dopomisdì.

IMPUARTANT! Di lei cun atenzion fin insom

PERMANENCE A son 60 puescj par durmî in cjamaris doplis, di trê e di cuatri jets. O podês partecipâ ancje cun familiârs

Lis tarifis par fermâsi te struture dal CESFAM a son:

Durmî e prime gulizion € 45,00 par gnot (€ 90,00 pes dôs gnots)

Gustâ/cenâ € 15,00 par past

Par cui che al à intenzion di fermâsi a durmî o ancje dome a gustâ/cenâ te struture dal CESFAM la scjadince de iscrizion e je fissade par misdì di lunis ai 10 di Avost! E je une scjadince categoriche parcè che nus e àn fissade di bande de segretarie dal CESFAM.
Dal moment che i puescj a durmî a son 60 in dut: o darìn prioritât a cui che si iscrîf par prin.
Us domandìn di precisâ se o vignîs di bessôi o cun cualchidun: • se al è un acompagnadôr no insegnant (familiâr o amì, ancje plui di un) us domandìn di prenotâ la cjamare e i pascj ancje par lui/lôr, precisant che si trate di acompagnadôr no insegnant • se al è un coleghe insegnant al varà di fâ ancje lui la sô iscrizion regolâr par segnalâ la volontât di condividi la cjamare
Dopo de vuestre iscrizion dentri di 48 oris us rivarà la nestre mail di conferme cu la cifre di paiâ tal câs di permanence te struture dal CESFAM (dutis lis ativitâts formativis a son sore nuie)
Il paiament al varà di jessi fat dentri di joibe ai 20 di Avost sul cont curint intestât a Societât Filologjiche Furlane, viert tal istitût di credit Cassa Rurale del Friuli Venezia Giulia, sede di Lucinîs (Go), cun chestis coordenadis bancjariis IBAN IT17Q0862212400000000870738 A pene fat il paiament, scrivint te causâl “Scuele di Avost 2026 – Residenziale CESFAM” si domande di mandâ copie digjitâl dal bonific a cheste mail info@scuelefurlane.it. ATIVITÂTS DI FORMAZION
Cui che al à gust di iscrivisi a lis ativitâts di formazion cence restâ a durmî al à timp fin ai 20 di Avost.
Lis ativitâts di formazion a son sore nuie.
Dopo de vuestre iscrizion e à di rivâus simpri une nestre mail di conferme dentri di 48 oris.
Pes ativitâts di formazion o vin i puescj limitâts e o darìn prioritât ai insegnants
Chestis ativitâts a saran viertis a ducj (insegnants e acompagnadôrs):

Lunis ai 24 di Avost aes 20:30: docufilm Barbara Jelenkovich: Viaggio nel Friuli illustrato,
Martars ai 25 di Avost aes 10:00: visite compagnade a la malghe Promôs
Martars ai 25 di Avost aes 10:00: leture in musiche “Fiore di roccia”
Miercus ai 26 di Avost aes15:00: visite dal Museu de Grande Vuere di Tamau

Par cualsisei informazion scrivêt a info@scuelefurlane.it o provait a clamâ al 0432-501598 (int. 5), ma visaitsi che la nestre sede e restarà sierade par feriis dai 7 ai 16 di Avost.

O rispuindarìn a lis vuestris mail che o leiarìn di cjase e par chest us domandìn di vê pazience! La robe impuartante a son lis scjadincis:

A misdì dai 10 di Avost pe prenotazion dal durmì e/o dal mangjâ (ancje par cui che al à intenzion di fermâsi pal gustâ!)
Ai 20 di Avost pal paiament cun bonific pe permanence • Ai 20 di Avost par partecipâ a lis ativitâts di formazion cence usufruî dai servizis di permanence e ristorazione te struture dal CESFAM.

Event - Ativitât

SCUELE DI AVOST 2026