TAMESANT SAVÊS | SAPERI AL SETACCIO
22, 23 e 24 di Avost dal 2023
Chest an la Scuele di Avost si presente cuntune muse dal dut gnove! Sêso pronts?
1. Al cambie il periodi: lant daûr dai vuestris conseis o provìn a anticipâle un tic par evitâ che e sedi masse dongje dal innomenât 1 di Setembar… Duncje si viodarìn ai 22, 23 e 24 di Avost.
2. E cambie la formule: no plui un percors di formazion residenziâl intune sede, ma un viaç formatîf ae scuvierte dal nestri teritori cun puescj ogni dì diferents: larìn a cognossi la nestre sede di Udin, il Museu de civiltât contadine di Fare e il Museu etnografic di Fossalte.
3. I contignûts a saran une anticipazion in struc di un dai nestris progjets plui impuartants pal a.s. 2023-2024: “Saperi al setaccio”.
4. Lis ativitâts a son prime di dut pai insegnants, ma a son benvignûts ancje familiârs e amîs curiôs di cognossi il nestri teritori e fâ dai laboratoris particolârs.
5. La modalitât blended - o ben miscliçade tra incuintris in presince e in linie - e darà la pussibilitât ancje di partecipâ a cualchi lezion stant a cjase, ma a nô nus plâs di plui viodius in muse e strenzius la man!
Alc al reste compagn di simpri:
1. La formazion e je indreçade ai insegnants de scuele de infanzie, primarie e secondarie di prin grât.
2. La partecipazion e je libare e gratuite.
3. Si pues iscrivisi a dut il program, dome a une zornade, dome a une ativitât a seconde des vuestris disponibilitâts.
4. Il percors formatîf al è increditât daûr des Liniis Vuide MIUR.
5. A la fin ognidun dai insegnants al varà il so atestât di formazion daûr da lis oris fatis. Dut il percors di formazion al è di 18 oris (6 oris par dì) cun 7 oris e mieze ancje in linie, ma vûstu meti il plasê di cjatâsi e resonâ insiemi in presince???
PROGRAM
MARTARS AI 22 di AVOST
Udin, Palaç Mantica – vie Manin 18 (sede de Societât Filologjiche Furlane)
Des 9,00: Regjistrazion dai partecipants
Des 9,30: Salûts dai sorestants
10,00-12,30: Cunvigne (in presince e in linie)
Saperi al setaccio: presentazion dal gnûf progjet pes scuelis
par cure dal DOCUSCUELE
I significati simbolici nella cucina friulana: usi pratici e magici degli arnesi da cucina
par cure di Erika Di Bortolo Mel, Universitât dal Friûl
Furleus: buinis pratichis par stiçâ la motivazion in classe. La peraule ai docents furlans e bascs
par cure di Ada Bier, Universitât dal Paîs Basc
12,30-14,30: Polse pal gustâ (in autonomie: al sac o ben in cualchi ambient dongje de sede dal cors)
14,30-17,30: Laboratori (in presince e in linie)
OLMIS 2023-2024
Racconti popolari friulani: patrimoni digjitâl a puartade di un clic
par cure di Katia Bertoni, bibliotecarie de Societât Filologjiche Furlane
OLMIS 2023-2024: Guriuts, Aganis, Tartaruts & compagnie… a torzeon pal Friûl
par cure di Antonella Ottogalli, DOCUSCUELE
Zuiâ cu lis figuris de nestre mitologjie par scrivi une conte in cuatri e cuatri vot!
par cure di Serena Fogolini, DOCUSCUELE
Visite de mostre (dome in presince)
Contis popolârs furlanis pe scuele. Pagjinis dal diari Olmis 2023-2024
inte Cjanive di Palaç Mantica
Consegne dal diari Olmis 2023-2024 a ducj i presints
MIERCUS AI 23 di AVOST
Fare (Farra d’Isonzo), Museu di documentazion da la civiltât contadine furlane – Strade di Grote 8
Des 9,30: Regjistrazion dai partecipants e salûts dai sorestants
Des 10,00: Visite dal Museu in compagnie di Chiara Conte (dome in presince)
11,30: Intervent (in presince e in linie)
Il calendario della cucina friulana: una ricetta per ogni festa
par cure di Roberto Zottar, Accademia Italiana della Cucina
12,30-14,30: Polse pal gustâ (in autonomie: al sac o ben in cualchi ambient dongje de sede dal cors)
14,30-17,30: Laboratori (dome in presince)
Scrivi cun creativitât: esercizis di scriture par contis cuntun cjâf e une code…
par cure di MateâriuM – Laboratorio di nuove drammaturgie
JOIBE AI 24 di AVOST
Fossalte (Fossalta di Portogruaro - Ve), Museu etnografic – Viâl Vignesie 21
Des 9,30: Regjistrazion dai partecipants e salûts dai sorestants
Des 10,00: Visite dal Museu in compagnie dai volontaris (dome in presince)
11,30: Intervent (in presince e in linie)
Di fave in blave: dut ce che al passe al ingrasse. Tamesant i savês de cusine contadine
par cure di Enos Costantini
12,30-14,30: Polse pal gustâ (in autonomie: al sac o ben in cualchi ambient dongje de sede dal cors)
14,30-17,30: Laboratori (dome in presince)
Video di documentazion e video artistic: tecnichis par deventâ regjist daûr di un smartphon
par cure di Marco D’Agostini – regjist e docent de Universitât dal Friûl