SCUELE DI AVOST 2022
APLIS DI DAVÂR
29, 30 e 31 di Avost dal 2022
Tornìn dulà che si jerin lassâts… Tornìn a scomençâ intun lûc che al somee fat a pueste par nô, par la scuele furlane. Un lûc dulà che al è un plasê viodisi e passâ dal timp insiemi, infondantsi te bielece, te pâs e tal cidinôr des monts e dai prâts tor ator. Chest al è il moment just par fâ un belanç di ce che o vin fat a vuê e par dâsi dai obietîfs. A judânus come simpri tancj professioniscj che a àn a cûr la nestre scuele e che a son pronts a condividi cun nô lis lôr cognossincis.
La Scuele di Avost e je un percors di formazion articolât e increditât daûr des liniis vuide MIUR. E je vierte ai insegnants di ducj i ordins scolastics (de scuele de infanzie aes superiôrs). La partecipazion e je libare e gratuite: si pues iscrivisi a dut il percors formatîf, dome a une zornade, dome a une o plui lezions. Lis firmis sui regjistris des presincis a atestaran lis oris fatis, che a saran ancje tal atestât di formazion che us mandarìn a la fin dal cors.
Chest an us proponìn un cors in trê lezions su lis tecnichis de memorie buinis par insegnants e par arlêfs, dôs conferencis par aprofondî tematichis ambientâls leadis al nestri teritori, trê laboratoris articolâts ognidun in doi dopodimisdì par misurâsi cul cjant, cu la art de tiessidure e cu la scriture, une schirie di presentazions di materiâi didatics, progjets e scandais gnûfs e interessants.
Al è pussibil ancje fermâsi e stâ te stesse struture dulà che si ten il cors o in struturis dongje. La prenotazion e lis spesis par durmî e par mangjâ a son a caric di ognidun dai partecipants.
Si domande di segnâsi ae iniziative sul nestri sît www.scuelefurlane.it, subit dopo us mandarìn une schede par specificâ lis ativitâts e i laboratoris sielts, che a saran a numar sierât. Lis iscrizions a van fatis dentri di joibe ai 25 di Avost.
Par vê plui informazions o podês mandânus une mail a info@scuelefurlane.it.
PROGRAM
Lunis ai 29 di Avost 2022
Des 9,00
regjistrazion dai partecipants
Des 9,30
presentazion dal percors di formazion e salûts des autoritâts
L’APROFONDIMENT: RICERCJIS, PROGJETS E PUBLICAZIONS
Des 10,00 aes 10,30
Enrico Maso, Docenti e Docuscuele: la recente indagine conoscitiva e i suoi risultati
IL CORS
10,45-11,30/11,45-12,30
Fabio Boltin, Mnemotecnichis a scuele. Tecnichis di memorie sveltis par insegnants e arlêfs. Incuintri 1 - Lis fondis des tecnichis di memorie
Polse pal gustâ
LA CONFERENCE
14,30-16,00
Enos Costantini, Alimentazion e teritori
I LABORATORIS (prime lezion)
16,30-18,00
Anna Sara Zanolla Mancini, Tessitura e intrecci/Tiessidure e tramis
16,30-18,00
Arianna Plazzotta, Cjantâ su la pentatoniche
16,30-18,00
Carlo Tolazzi, Il furlan queneau ti stufe: zuìn cu lis peraulis
Polse pe cene
I MATERIÂI (prime part)
20,30-22,00
I audiovisîfs de Filologjiche tant che supuart ae didatiche
Martars ai 30 di Avost 2022
L’APROFONDIMENT: RICERCJIS, PROGJETS E PUBLICAZIONS
Des 9,30 aes 10,30
Ada Bier, Ûs linguistic e ategjaments dai futûrs docents: i prins risultâts dal progjet FURLEUS
IL CORS
10,45-11,30/11,45-12,30
Fabio Boltin
Mnemotecnichis a scuele. Tecnichis di memorie sveltis par insegnants e arlêfs.
Incuintri 2 - Memorizâ lis peraulis astratis e lis peraulis in lenghe foreste
Polse pal gustâ
LA CONFERENCE
14,30-16,00
Francesco Pascoli, Serena Soldà, Enrico Maiero, Il clime in Friûl
I LABORATORIS (seconde lezion)
16,30-18,00
Anna Sara Zanolla Mancini, Tessitura e intrecci/Tiessidure e tramis
16,30-18,00
Arianna Plazzotta, Cjantâ su la pentatoniche
16,30-18,00
Carlo Tolazzi, Il furlan queneau ti spietis: zuìn cu lis peraulis
Polse pe cene
I MATERIÂI (seconde part)
20,30-22,00
I audiovisîfs de Filologjiche tant che supuart ae didatiche
Miercus ai 31 di Avost 2022
L’APROFONDIMENT: RICERCJIS, PROGJETS E PUBLICAZIONS
Des 9,30 aes 10,30
Antonella Ottogalli
Il diari Olmis 2022-23 e lis contis popolârs furlanis
IL CORS
10,45-11,30/11,45-12,30
Fabio Boltin
Mnemotecnichis a scuele. Tecnichis di memorie sveltis par insegnants e arlêfs.
Incuintri 3 - Memorizâ i numars e lis datis storichis
Polse pal gustâ e par rivâ a Dieç
LA MOSTRE
16,30 – 18,00
La bellezza della ragione
Dieç | Illegio