SCRIVI 2024
La setime edizion dute in linie dal cors par imparâ a SCRIVI par furlan
Une edizion che e larà indenant par dut il 2024
Un cors in modalitât asincrone su la plateforme MOODLE dal Docuscuele
Un grup di docents pardabon unic
Un cors increditât daûr des liniis vuide MIUR cun atestât finâl bon par iscrivisi te liste regjonâl
La pussibilitât di stâ daûr a lis lezions cuant che si à il timp par fâlu
Une metodologjie inovative par imparâ une lenghe
Esperts a disposizion par ducj i dubis
Il Docuscuele – Centri regjonâl di documentazion ricercje e sperimentazion didatiche pe scuele furlane
al organize la setime edizion in linie su plateforme Moodle dal cors di lenghe furlane par insegnants di ducj i ordins di scuele (de scuele de infanzie ae secondarie di secont grât).
Il cors al vûl dâ ai docents lis competencis necessariis di gramatiche – fonologjie, morfologjie e sintassi – par podê doprâ in maniere juste la lenghe furlane scrite. Par chest si zovarà dai insegnants plui preparâts cun titui academics specifics par garantî la cualitât alte dal percors di formazion proponût, che si insiorarà ancje di elements di storie de lenghe, semantiche, linguistiche comparade, toponomastiche, storie dal Friûl. E dut chest si disviluparà lant daûr des metodologjiis plui valevulis par imparâ une lenghe come l’ûs des mapis mentâls par memorizâ miôr e la metodologjie indutive par compagnâ il corsist intun percors di scuvierte graduâl: de osservazion autonome dai câs par cirî di ricognossi la regule, al metisi in zûc cun esercizis sempliçs par verificâ se la ipotesi fâte e stâ in pîts, fin a cognossi la regule in ducj i siei detais in gracie de spiegazion di tutors esperts che a gjavaran ducj i dubis!
La direzion sientifiche e je di Franco Finco, che al coordene une scuadre di nivel cun dentri Ada Bier, Fabio Boltin, Linda Picco, Maria Chiara Visintin e Gabriele Zanello.
Il cors si articole in 4 modui:
1. Fonologjie e grafie furlane
2. Morfologjie nominâl
3. Morfologjie verbâl
4. Morfologjie pronominâl
Ogni modul al è organizât su 4 sezions di ativitâts (input di riflession, video lezions, esercizis, aprofondiments…) cuntune verifiche finâl.
Il cors al è ricognossût par 30 oris daûr des liniis vuide MIUR cuntun atestât a pueste.
Il cors al è a gratis. Par notâsi si à di compilâ la schede che si cjate fracant il boton ISCRIVITI ca parsore. La iscrizion e vignarà confermade di une mail di riscuintri, cence il riscuintri la iscrizion no je valevule.
Dopo de iscrizion us rivaran dutis lis indicazions par podê acedi ae plateforme Moodle dal Docuscuele e tacâ il cors.
Par vê plui informazions si pues scrivi a info@scuelefurlane.it