Descrizion
Il Docuscuele al organize il prin cors intensîf di lenghe furlane par insegnants di ducj i ordins di scuele (de scuele de infanzie ae secondarie di secont grât).
Il cors al vûl dâ ai docents lis competencis necessariis di gramatiche – fonologjie, morfologjie e sintassi – par podê doprâ in maniere juste la lenghe furlane scrite. Par chest si zovarà dai insegnants plui preparâts cun titui academics specifics par garantî la cualitât alte dal percors di formazion proponût, che si insiorarà ancje di elements di storie de lenghe, semantiche, linguistiche comparade e toponomastiche.
La direzion sientifiche e je di Franco Finco che al tignarà lis lezions alternantsi cun Fabio Boltin e Linda Picco.
Il cors, che si davuelzarà li de sede de Filologjiche, dulà che si cjate ancje il Docuscuele, al è di 30 oris cussì distribuidis:
lunis ai 2 di Lui - 14:30-18:30
martars ai 3 di Lui - 9:00-13:00 e 14:30-18:30
miercus ai 4 di Lui - 9:00-13:00 e 14:30-18:30
joibe ai 5 di Lui - 9:00-13:00 e 14:30-18:30
vinars ai 6 di Lui - 9:00-11:00
Il cors al è a gratis. Lis spesis di trasfierte, pal gustâ e pal durmî eventuâl a son a caric di ognidun.
La iniziative e sarà inviade cun almancul 15 iscrits e e varà no plui di 30 partecipants.
La frecuence e je ricognossude daûr des liniis vuide MIUR 2016-2019.
Si domande di garantî la presince par almancul il 70% des oris di lezion tal rispiet dai organizadôrs, dai docents e dai eventuâi escludûts par cuistions di numars.
Si à di segnâsi dentri di misdì di vinars ai 29 di Jugn jemplant la schede a pueste e mandantle a info@scuelefurlane.it.
E fasarà fede la date e l’orari di rivade de mail. La iscrizion e vignarà confermade di une mail di riscuintri di bande dal Docuscuele