25 illustradoris e ilustradôrs furlans, clamâts adun di Dani Pagnucco e Gabriella Bucco, a àn firmât la grafiche des edizions 2022 dal Strolic furlan, dal Lunari e dal diari scolastic Olmis, burîts fûr de Societât Filologjiche Furlane.
Lis tecnichis e i stîi, diferents artist par artist, a son la testemoneance de vivarositât creative dal nestri teritori e de sô dimension internazionâl propit in gracie dal lengaç visîf.
Une sezion de mostre e je dedicade al diari Olmis 2022-23, là che lis figuris a nassin di dîs storiis gjavadis fûr de golaine des "Contis popolârs furlanis" tornadis a scrivi pe ocasion di Chiara Carminati.
La mostre si pues viodile fin ai 3 di Lui
di sabide e di domenie de 3 daspomisdì aes 7 sotsere.
Inte suaze de mostre il Comun al à metût adun ancje cheste schirie di incuintris
(pai detais cjalâ il manifest in zonte):
- Vinars ai 20 di Mai, aes 8 di sere
Contis popolârs furlanis- Racconti popolari friulani
par cure di Cristina Piasentin ed Eleonora Pagura
- Domenie ai 29 di Mai, aes 4 daspomisdì
Il tesaur di Aurelianus
cun ilustrazions di Barbara Jelenkovich. Presentazion dal libri editât de Societât Filologjiche Furlane
e laboratori La monede dal imperadôr
- Sabide ai 18 di Jugn, aes 4 daspomisdì
Cocâl
Laboratori par cure de ilustradore Federica Pagnucco