La lenghe no je dome la manifestazion de identitât personâl o di chê sociâl, ma e je ancje une des formis che i permetin a di une culture di pandisi e di disvilupâsi. Di fat ogni culture e vîf e si nudrìs di espressions sociâls, sedi materiâls, sedi spirituâls. La leterature e je propit une di chestis espressions: jessint une forme di comunicazion, e je peade a strent cu la lenghe, biel che i siei contignûts a rivochin la culture di un moment storic precîs.
Chest cors al vûl presentâ tescj, autôrs e moments de leterature furlane li che a son stadis metudis a fûc intun mût esplicit lis problematichis de lenghe e de culture (ma ancje de identitât). Une atenzion particolâr si le risiervarà al insegnament, par viodi cemût che, dilunc il Nûfcent, il lavôr tal cjamp de scuele al à favoride plui la dimension culturâl che no chê linguistiche.
Lunis ai 14 di Març - Gabriele Zanello: Lenghe, culture e etnicitât
Lunis ai 21 di Març - Gabriele Zanello: Lenghe e culture te leterature furlane / 1
Lunis ai 28 di Març - Gabriele Zanello: Lenghe e culture te leterature furlane / 2
Miercus ai 30 di Març - Laboratori di scriture creative cun Raffaele Serafini
Lunis ai 4 di Avrîl - Gabriele Zanello: L’insegnament di lenghe e culture furlane tal Nûfcent / 1
Miercus ai 6 di Avrîl - Laboratori di scriture creative cun Raffaele Serafini
Lunis ai 11 di Avrîl - Gabriele Zanello: L’insegnament di lenghe e culture furlane tal Nûfcent / 2
Miercus ai 27 di Avrîl - Visite acompagnâts dal Prof. Angelo Floramo in biblioteche Guarneriane a San Denêl
Lunis ai 2 di Mai - “I raccontini di Caterina Percoto” cun Edoardo Colombaro
Lunis ai 9 di Mai - Gabriele Zanello: Conclusion
Test finâl su Moodle
Lis lezions a saran des 17 aes 19, ma la visite in compagnie dal Prof. Floramo in Guarneriane a San Denêl e sarà des 16 aes 18, lant daûr dai oraris de biblioteche.
Il cors al è a
gratis. Par notâsi si à di compilâ la schede che si vierç lant a fracâ sul
boton ISCRIVITI (adalt a man drete in cheste pagjine). La iscrizion e vignarà
confermade di une mail di riscuintri, cence il riscuintri la iscrizion no je
valevule. Lis iscrizions a son viertis fin a domenie ai 13 di Març.
Il percors di
formazion al nas in modalitât sincrone (videolezions su Zoom plui une visite
culturâl in biblioteche Guarneriane a San Denêl in presince), ma cui che nol
rivàs a jessi presint a dutis lis lezions al pues recuperâ lant a cjalâ la
regjistrazion dentri de plateforme Moodle, dulà che lezions e materiâi a
restaran a disposizion dai corsiscj.
Il cors al è
ricognossût par 21 oris daûr des liniis vuide MIUR cuntun atestât a pueste.