Su la fonde dai progjets educatîfs za in vore tai programs didatics des comunitâts linguistichis storichis europeanis, o partìn de idee che intun contest multilengâl complès tant che chel des scuelis primariis, la lenghe locâl e pues trasformâsi di bariere potenziâl a catalizadôr straordenari di coesion sociâl.
Fâ divertî i frutins cul furlan, intindût tant che lenghe inedite, al pues trasformâlu di “lenghe autoctone” a “lenghe dal acet”. Une clâf di acès piçule ma impuartante, afetive e relazionâl, par judâ a ambientâsi inte gnove comunitât.
VINARS AI 2 DI OTUBAR
aes 9.00
Cine Visionari
Cartons animâts par furlan
Par cure dal Docuscuele de Societât Filologjiche Furlane
Presentazion dai cartons animâts par furlan li dal Cine Visionario di Udin cui arlêfs de scuele primarie IV Novembre di Udin.
In colaborazion cul Comun di Udin Servizi Culture e Istruzion
- U.O. Lenghe Furlane e Istituto Comprensivo III di Udin.
Par cure di Serena Fogolini de e Giulia Cane del C.E.C. di Udin.