Jo o vîf intun cjistiel
cun Laura Guaianuzzi
Une biele e sugjestive cjaminade, insiorade ancje di cartei cun indicazions par furlan, nus puartarà in dîs minûts dal Museu fin li dal Cjistiel di Manià par une visite compagnade tal stes timp ludiche e didatiche che nus fasarà cognossi un lûc plen di storie e di bielece, massime cui colôrs de Sierade. Dopo une orute – fra zûcs e storie – o tornarìn tal Museu dai Curtìs par un incuintri di formazion che si sierarà cuntun divertent laboratori pratic. Dut in compagnie di Laura Guaianuzzi, esperte di storie locâl e di didatiche par fâ scuvierzi il teritori ai fruts e ai zovins des scuelis dal oblic. Al è stât scrit di je il biel libri “Io vivo in un castello | Jo o vîf intun cjistiel” (2009, edizions L’Omino Rosso) su la storie di Pileu di Cjistielvuardie, fantat de Ete di Mieç, che al conte ai zovins dal secul XXI cemût che al passe lis zornadis tal cjistiel dulà che al vîf, midiant di piçulis notiziis, curiositâts e dissens. Un viaç che al puartarà il letôr a la fin dal secul XIV a la scuvierte di tancj aspiets dal vivi di ogni dì, dispès lassâts in bande de grande storie.
(us domandìn di puartâsi daûr fuarpiis, rie e pastei)
formazion daûr des liniis vuide MIUR 2016-2019.
Lis oris a saran segnadis su la tessare dal Docuscuele, impensaitsi di puartâle o di domandâle se no le vês ancjemò.
Formazion a numar sierât: no plui di 25 docents des scuelis primariis e secondariis di secont grât.