Descrizion
Al è cun plasê che us segnalìn che a son viertis lis iscrizions pe seconde edizion dal cors di formazion "Fare CLIL...par furlan!" su la plateforme MOOC, organizât de Universitât Ca' Foscari in colaborazion cu la Societât Filologjiche Furlane.
Il cors al à une durade di 21 oris: 16 in linie su la plateforme e 5 in presince.
Lis 5 oris in presince a saran dividudis in doi modui, di 2 e 3 oris.
Il prin modul si davuelzarà vinars ai 31 di Mai dal 2019 tal Teatri Arrigoni di San Vît dal Tiliment des 17.00 aes 19.00.
Il secont modul invezit al sarà un dai moments formatîfs de nestre Scuele di Avost (che si tignarà dai 26 ai 28 di Avost).
In zonte o cjatais la comunicazion mandade ai Dirigjents scolastics, la schede di iscrizion pal incuintri di San Vît di mandâ dentri di joibe ai 30 di Mai e il program de zornade:
17.00 Salûts des autoritâts e descrizion dal antîc Teatri Sociâl GianGiacomo Arrigoni par cure di Angelo BATTEL
17.15 L’evoluzion des propuestis didatichis CLIL par furlan
Marcella MENEGALE (DSLCC, Ca’ Foscari)
17.45 Il progjet EDUKA2 e i siei risultâts
Cristina DI GLERIA (Societât Filologjiche Furlane)
16.45 Il MOOC: obietîfs, organizazion, contignûts e modalitâts di fruizion
Ada BIER (DSLCC, Ca’ Foscari)
18.45 Intervents di bande dal public
19.00 Conciert "Il Cine in Musiche" Ensemble Musicâl dal CSI (Clarinetti Sanvitesi Indipendenti) li de Loze Comunâl inte suaze di "Piazza in Fiore"