Cors pratics di lenghe furlane
E je inviade la edizion 2019/2020 dai Cors pratics di lenghe furlane, inmaneâts ogni an de Societât Filologjiche Furlane cu la colaborazion dai Comuns dal Friûl.
Tai cors pratics si studiin la gramatiche e la grafie de lenghe furlane, cun chê che si lei e si scrivi simpri di plui in marilenghe. Si fevele ancje dai aspiets storics, culturâi, leteraris e des tradizions popolârs. Propit cun chest fin, in armonie cui cors, si organizin lezions viertis (ven a stâi conferencis là che a puedin partecipâ ducj) e visitis guidadis in lûcs de regjon che a àn un interès storic e artistic particolâr.
Lis lezions a son viertis a ducj, cence limits di etât. Nol covente un titul di studi specific e nol covente nancje savê fevelâ furlan. I cors a son a gratis e a durin 13 lezions, par 26 oris in totâl.
L'atestât di frecuence al ven dât a cui che al frecuente almancul il 70% des oris di lezion e al è titul culturâl par jentrâ te Liste regjonâl di insegnants cun competencis di lenghe furlane.
I cors pratics di lenghe furlane a son inviâts cu la poie de ARLeF.
Liste des localitâts sede di Cors pratic, cu lis indicazions di oraris e lûcs des lezions:
Aquilee - il cors, tignût de dot. Silla Stel, al scomence martars ai 28 di Zenâr dal 2020, orari 18-20, in Biblioteche Civiche, vie Roma 48. Info e iscrizions: tel. 0431 918772 - biblioteca@comune.aquileia.ud.it
Cjampfuarmit - il cors, tignût de dot. Annalisa Galati, al scomence miercus ai 29 di Zenâr dal 2020, orari 8-10 di sere, li de sede de Pro Loco, vie E. De Amicis 2. Info e iscrizions tel. 0432 653511 - protocollo@comune.campoformido.ud.it - biblioteca@comune.campoformido.ud.it
Cjarlins - il cors, di nivel intermedi e tignût dal siôr Michele Calligaris, al scomence martars ai 11 di Fevrâr dal 2020, orari 8-10 di sere, in Biblioteche comunâl. Info e iscrizions tel. 0431 687831 - sportel.furlan@bassefurlane.eu
Codroip - a son doi cors, in Biblioteche, vie XXIX Ottobre 3:
1. dai 8 di Zenâr dal 2020, ogni miercus, orari 8.30-10.30 di sere, cul dot. Flavio Vidoni
2. dai 13 di Zenâr dal 2020, ogni lunis, orari 8.30-10.30 di sere, cul prof. Gottardo Mitri
Colorêt di Montalban - il cors, tignût de dot. Cristina Leita, al scomence martars ai 21 di Zenâr dal 2020, orari 8-10 di sere, in Biblioteche comunâl, vie I. Nievo 19 (complès dal Centri Civic Comunâl). Info e iscrizions: biblioteca@comune.colloredodimontealbano.ud.it , segreteria@com-colloredo-di-monte-albano.regione.fvg.it
Gurize - il cors, tignût dal dot. Gianluca Franco, al scomence joibe ai 30 di Zenâr dal 2020 a 6 di sere, te sede SFF di vie Ascoli 1.
Te prime lezion al vignarà presentât il Numar Unic Friûl, cu la partecipazion dal curadôr prof. Andrea Tilatti. Info e iscrizions: formazione@filologicafriulana.it - tel. 0432 501598 int. 3 (Elena)
Manià - il cors, tignût de siore Annalisa Gasparotto, al scomence sabide ai 25 di Zenâr dal 2020, orari 3-5 dopomisdì, in Biblioteche. Info e iscrizions: biblioteca@maniago.it - tel. 0427 730016
Prissinins - il cors, tignût de dot. Serena Fogolini, al scomence joibe ai 13 di Fevrâr dal 2020, orari 8.30-10.30 di sere, tal Centri Civic, vie dei Cavalieri teutonici 25. Lis lezions a laran indenant di martars. Info e iscrizions - tel. 0431 586274 sportel.furlan@bassefurlane.eu
Reane dal Roiâl - il cors, tignût de siore Adina Ruffini, al scomence martars ai 21 di Zenâr dal 2020, orari 5.30-7.30 di sere, te sale polifunzionâl de Biblioteche, vie Battaglione Julio 7, fraz. Remugnan. Info e iscrizions: biblioteca.comunale@comune.reanadelrojale.ud.it - tel. 0432 856250
Te prime lezion e sarà une lezion vierte dal prof. Gottardo Mitri, che al fevelarà di "Gjeografie lenghistiche"
Ruvigne - il cors, tignût dal dot. Giorgio Gianfranco Pascoli, al è scomençât miercus ai 15 di Zenâr dal 2020, orari 5.30-7.30 di sere, tal Centri di agregazion zovanîl, vie C.A. Dalla Chiesa. info e iscrizions: tel. 389/0860561
San Vît dal Tiliment - il cors, tignût dal siôr Eddi Bortolussi, al è scomençât sabide ai 11 di Zenâr dal 2020, orari 3-5 dopomisdì, sede municipâl. Info e iscrizions: tel. 0434 842980
Sopula - il cors, tignût dal dot. Claudio Romanzin, al è scomençât sabide ai 18 di Zenâr dal 2020, orari 9.30-11.30 di buinore, li dal Centri Pasquini di Sopula, vie Leonardo da Vinci 4. Info e iscrizions: biblioteca@comune.zoppola.pn.it - tel. 0434 979947
Spilimberc - il cors, tignût dal prof. Gottardo Mitri, al è scomençât miercus ai 8 di Zenâr dal 2020, orari 5-7 di sere, te Cjase dal Student. Info e iscrizions: cultura@comune.spilimbergo.pn.it - tel. 0427 591115
Tavagnà - il cors, tignût de siore Adina Ruffini, al scomence lunis ai 10 di Fevrâr dal 2020, orari 5-7 di sere, in Biblioteche, vie Mazzini 9, Felet. Info e iscrizions: lenghe.furlane@comune.tavagnacco.ud.it - tel. 0432 577300
Te prime lezion e sarà une lezion vierte de scritore Novella Del Fabbro che e fevelarà di "Cidulos in Cjargno"
Tumieç (e Comuns di Damâr, Cjavaç e Verzegnis) - il cors, tignût dal dot. Enrico Radivo, al scomence cu la scree di sabide 1n di Fevrâr dal 2020 a 6 di sere a Palaç Frisacco a Tumieç; lis lezions a laran indevant ogni lunis, tacant cui 3 di Fevrâr, in orari serâl di concuardâ. Info e iscrizions: Sportel dal Citadin dal Comun di Verzegnis, tel. 0433 487460 (rif. Livia Gentilini)
Udin - il cors, tignût dal dot. Flavio Vidoni, al è scomençât vinars ai 17 di Zenâr dal 2020, orari 5-7 di sere, te sede SFF di vie Manin 18. Info e iscrizions: formazione@filologicafriulana.it - tel. 0432 501598 int. 3 (Elena) - ATENZION: la lezion di vinars 24 di Zenâr e scomence a 5.30 e no a 5.
Voleson Darzin - il cors, tignût dal dot. Claudio Romanzin, al scomence martars ai 21 di Zenâr dal 2020 a 8.15 di sere. La prime lezion e je te Sale Roma, place Mercato 2 (dongje dal Municipi di Voleson Darzin) e chês altris te sale consiliâr a Darzin. Info e iscrizions in biblioteche: biblioteca@valvasonearzene.it - tel. 0434 899377
Altris cors a son in program a: Cividât, Monfalcon, Mortean, Visc.
Referent:
Elena De Sanctis
tel. 0432 501598, int. 3
formazione@filologicafriulana.it