Il progjet Il Novecento di Ugo fra storia e parole al nas cu la
idee di fâ cognossi un leterât, fotograf, glotolic e insegnant
che al à traviersât di protagonist la storie dal prin Nûfcent,
intun moment di trasformazions grandis e profondis par
dut il Friûl Vignesie Julie.
A son duncje propit i tancj e diferents setôrs che lu àn
viodût atîf che a permetin di aprofondî sedi la storie dal prin
Nûfcent di diviersis prospetivis, dant clâfs di leture gnovis,
sedi la vite di un om straordenari che al pues dâ ancjemò
tant tal insegnament di vuê.
Il progjet al è stât finanziât de Regjon autonome Friûl
Vignesie Julie - Bant 2020 (L.R. n. 16/2014 art. 27 quater):
Progjets educatîfs e didatics par favorî l’aprofondiment
e la cognossince de storie, par mieç de vôs e dai tescj di
scritôrs e poetis che a àn contât i fats, evidenziant cussì il
rapuart sinergjic jenfri leterature e storie, ancje ae lûs de
sugjestion: “Vivi in timps interessants”.
Il fumet al conte in struc la vite
e la opare di Ugo Pellis e al ripuarte cualchi mape gjeo-politiche dal periodi storic di riferiment. Il fumet al è stât
fat di Paolo Gomets Francescutto e al è insiorât di trê
piçulis relazions fatis di Raffaele Serafini, Federica Cugno
e Angelo Floramo, che a àn colaborât al progjet.