Publicazion

Art par furlan

Schede bibliografiche
Art par furlan : schedis didatichis par imparâ a cjalâ lis oparis di art dal Friûl / [par cure di Elisa Bado … et al.] – Udin : Societât filologjiche furlane, 2021. – 111 p. : ill ; 30 cm. – (I cuaders dal Docuscuele ; 4)
Struc

Dopo de esperience de antologjie didatiche Peravali’ metude in vore dilunc dal an scolastic 2019/2020, il grup di lavôr di Collinrete si è misurât te realizazion di Art par furlan, une racuelte inedite di schedis didatichis par imparâ a cjalâ lis oparis di art dal Friûl.

 

La opare e à doi intindiments: di une bande supuartâ l’insegnament de lenghe furlane e la cognossince dal patrimoni locâl, di chê altre sugjerî une metodiche divierse di chê tradizionâl al studi de storie de art.

L’imprest, pensât pai arlêfs de scuele secondarie di prin grât, al pues dut câs jessi justât ancje par chei altris grâts scolastics: la idee di fonde e je chê di lâ sore nozionisim e lezions frontâls cuntune didatiche laboratoriâl e ribaltade che e stimoli l’arlêf a cjalâ la opare di art e a costruî il so aprendiment condividint lis sôs ideis cui compagns.

Art par furlan e à 70 schedis didatichis, ognidune dedicade a une divierse opare presinte tal panorame artistic furlan, metudis in ordin cronologjic des origjins (fondazion di Aquilee tal 181 prin di Crist) fin al dì di vuê (Nûfcent).

Ogni schede e propon trê sezions: Imagjin, Cognossincis clâfs e Domandis par capî la opare.

La imagjin de opare, che e à dongje cualchi informazion essenziâl (autôr, titul, date, tecniche, dimensions, colocazion), e je il centri de schede e ator di jê si svilupe il dialic tra docent e arlêf; lis cognossincis clâf, proponudis sedi par furlan che par talian, a son tescj une vore curts che a àn cualchi informazion utile par incuadrâ la opare e l’autôr te corint di riferiment o par sugjerî a chel che al cjale cualchi ferade di riflession; lis domandis vuide a son la vere novitât de propueste didatiche par vie che par mieç di lôr il student, insiemi cul insegnant, al svilupe lis sôs capacitâts di osservâ, descrivi, lei e capî in mût critic lis oparis di art proponudis.

Lenghe
Grafie uficiâl
Notis

Par cure di:Elisa Bado, Lucia Battilana, Donatella Bello, Cristina Di Gleria, Flavia Di Narda, Mirta Faleschini, Cristina Giusti, Laura Nascimben, Maurizio Driol, Katia Iacuzzo, Elisa Mengato, Enza Purino, Anna Melchior

Coordinament editoriâl: Cristina Di Gleria
Revision linguistiche: Serena Fogolini, Antonella Ottogalli e Eva Zucchiatti

Grafiche e impagjinazion: Ilaria Comello
Stampe: LithoStampa srl - vie Colloredo 126, 33037 Pasian di Prât (UD)

 

in colaborazion cun Collinrete

 

Golaine: I Cuaders dal Docuscuele - vol. 4

An di edizion: 2021

ISBN: 978-88-7636-357-3

Presit € 10,00 (€ 7 pai socis Filologjiche)

 

Te stesse golaine:

Peravali'. Antologjie didatiche de leterature furlane

Cjantìno? Antologjie di cjantis in lenghe furlane

Jacopo Pirona