Di vinars ai 11 di Fevrâr dal 2022
in linie su plateforme Moodle
Il cors al vûl dâ ai docents sugjeriments e struments par doprâ i cjants pe infanzie, de tradizion e di autôr, par ativitâts di didatiche musicâl che a puartin i arlêfs a sperimentâ lis basis de scriture musicâl, di là di meti in vore lis lôr capacitâts di scolte, di intonazion, di memorie e di coordenazion ritmiche motorie. Par ogni cjant e vignarà fate une unitâts didatiche complete, sedi pe infanzie che pe primarie. Cun di plui par mieç di laboratoris pratics, i insegnants a saran compagnâts tal produsi ativitâts de stesse fate cun cjants sielzûts di ognidun. I iscrits a àn di vê un strument melodic (xilofon, flaut, sunete, melodiche…) par rivâ a la note cuant che si à di cjantâ.
Il cors al è di 21 oris cun chest program:
PRIME UNITÂT DIDATICHE: NOTIS SOL MI, MINIME, SEMIMINIME, POLSIS RELATIVIS
Contignûts: dôs cjantis ineditis dedicadis aes notis sol-mi e aes figuris di minime, semiminime e polsis relativis (ta. Ta-a, un, un-doi), cun videos par vuidâ l’insegnament des cjantis in classe, la metude in vore de chironomie kodaliane e la analisi ritmiche e melodiche di fâ adun cui fruts, schedis su chescj argoments, basis musicâls, zûcs e ativitâts peâts ae altece dal sunôr e al passaç de scriture musicâl no convenzionâl a di chê convenzionâl pes notis e pes figuris tocjadis. Esemplis di leturis ritmichis e zûcs che a zovin a stazâ lis competencis cjapadis sù. Prin resonament sul repertori di cjants par fruts.
Vinars ai 11 di Fevrâr des 17,00 aes 19,00: Incuintri sincron su Zoom, 2 oris
Di vinars ai 18 di Fevrâr: Ativitâts asincronis su Moodle, 2 oris
SECONDE UNITÂT DIDATICHE: NOTE LA, CROME
Contignûts: dôs cjantis ineditis dedicadis aes notis mi-sol-la e aes figuris di semiminime e crome (ta e titi), cun videos par vuidâ l’insegnament des cjantis in classe, la metude in vore de chironomie kodaliane e la analisi ritmiche melodiche di fâ adun cui fruts, schedis su chescj argoments, basis musicâls, zûcs e ativitâts peadis ae scuvierte dal valôr de crome in rapuart ae semiminime. Esemplis di leture ritmiche e zûcs che a zovin a stazâ lis competencis cjapadis sù.
Di vinars ai 25 di Fevrâr: Ativitâts asincronis su Moodle, 2 oris
Di vinars ai 4 di Març: Ativitâts asincronis su Moodle, 2 oris
TIERCE UNITÂT DIDATICHE: NOTE DO, POLSE DI CROME
Contignûts: dôs cjantis ineditis dedicadis aes notis do-mi-sol-la e ae figure di semiminime, crome e polse di crome (ta, titi, un), cun videos par vuidâ l’insegnament des cjantis in classe, la metude in vore de chiromanie kodaliane e la analisi ritmiche e melodiche di fâ adun cui fruts, schedis su chescj argoments, basis musicâls. Prime sielte di repertori par creâ la unitât didatiche di verifiche. Esemplis di leture ritmiche e zûcs che a zovin a stazâ lis competencis cjapadis sù.
Vinars ai 11 di Març des 17,00aes 19,00: Incuintri sincron su Zoom, 2 oris
Di vinars ai 18 di Març: Ativitâts asincronis su Moodle, 2 oris
CUARTE UNITÂT DIDATICHE: NOTE RE, SEMICROME
Contignûts: dôs cjantis ineditis dedicadis aes notis do-re-mi-sol-la e aes figuris di semiminime, crome e semicrome (ta, titi, tiritiri), cun videos par vuidâ l’insegnament des cjantis inte classe, la metude in vore de chironomie kodaliane e la analisi ritmiche e melodiche di fâ adun cui fruts, schedis su chescj argoments, basis musicâls. Esemplis di leturis ritmichis e zûcs che a zovin a stazâ lis competencis cjapadis sù.
Di vinars ai 25 di Març: Ativitâts asincronis su Moodle, 2 oris
Di vinars ai 1 di Avrîl: Ativitâts asincronis su Moodle, 2 oris
VERIFICHE FINÂL
I partecipants a crearan une unitât didatiche su la fate di chês presentadis e suntune cjante sielzude di lôr, vie pal ultin incuintri in modalitât sincrone si fasarà il struc di dut, ancje daûr des osservazions peadis ai lavôrs presentâts.
Di vinars ai 8 di Avrîl: Scriture de tesine, 3 oris
Vinars ai 22 di Avrîl des 17,00 aes 19,00: Incuintri sincron su Zoom, 2 oris
Il cors al è a gratis e viert a no plui di 25 iscrits par permeti a la insegnante Arianna Plazzotta di stâ daûr a ducj i corsiscj e puartâur a une cressite professionâl spindibile subit te lôr classis.
La formazion e je ricognossude daûr des liniis vuide MIUR par 21 oris complessivis e cui che al rivarà fin insom dal percors al podarà discjamâ l’atestât te plateforme Moodle, dulà che si ten il cors.
Pes iscrizions si à di compilâ la schede di iscrizion, che si vierç fracant sul boton blu adalt ISCRIVITI, dentri di miercus ai 9 di Fevrâr. Cunat che il boton blu al devente grîs no son plui puescj disponibii. Subit dopo de iscrizion us vignarà mandade une mail cu lis indicazions su cemût acedi ae prime lezion.
Par vê plui informazions us conseìn di scrivinus o di clamânus.
Frache ca sot par viodi il video di presentazion dal cors di Arianna Plazzatta: