ARCHITETURE PAR FURLAN.
Schedis didatichis par imparâ a cjalâ lis oparis architetonichis dal Friûl
60 schedis didatichis su edificis di valôr storic e artistic dividûts in 6 sezions:
- La cjase furlane
- Cjistiei dal Friûl
- Vilis dal Friûl daûr dal model des vilis venetis
- Architeture civîl
- Architeture sacre
- Urbanistiche
Ognidune da lis schedis si vierç cuntune biele imagjin e cuntun struc di dâts par vê subit sot voli la tipologjie architetoniche, il lûc dulà che si cjate, il stîl, il periodi storic, i materiâi di costruzion e, cuant che al è pussibil, i nons dai comitents e dai architets.
La schede e va indenant cuntun test di cognossincis clâfs par vuidâ i zovins te leture dai edificis cu lis lôr carateristichis stilistichis. La part conclusive e je une riflession midiant di domandis che a sticin a resonâi sore... cun aprofondiments, confronts, esercizis e tante creativitât!