Seminaris su la partecipazion ative e il volontariât in Friûl
dai 20 di Avrîl ai 18 di Mai dal 2023
des 5:00 aes 7:00 di dopodimisdì in linie su zoom
Di dulà nassie la culture dal volontariât in Friûl? Parcè isal cussì impuartant invistî part dal nestri timp par dedicâlu a chei altris? Un viaç intal mont de solidarietât, par capî cemût che e funzione cualchidune tra lis realtâts plui impuartantis te nestre Regjon, cuale che e je la lôr storie e la normative daûr. Un percors par judâ i fantats (e no dome) a deventâ citadins cussients de impuartance dal “vê cure”, par stâ ben cun noaltris e par fâ dal ben a chei altris.
Joibe ai 20 di Avrîl dal 2023, des 5:00 aes 7:00 di dopodimisdì in linie su zoom
LA COSTITUZION TALIANE
par cure de Associazion di promozion sociâl “Per la Costituzione A.P.S.” di San Denêl
Tacant di un incuadrament storic dal periodi costituzionâl a saran analizâts i fondamentâi articui 1-2-3 de Costituzion taliane, di dulà che al è nassût dut l’implant normatîf.
Joibe ai 27 di Avrîl dal 2023, des 5:00 aes 7:00 di dopodimisdì in linie su zoom
LA PROTEZION CIVÎL IN FRIÛL
par cure dal Servizi volontariât, nue 112 e sistemis tecnologjics de Regjon autonome Friûl Vignesie Julie
Storie de Protezion Civîl, ativitât, presince tal teritori e servizis a pro de scuelis.
Joibe ai 4 di Mai dal 2023, des 5:00 aes 7:00 di dopodimisdì in linie su zoom
I DOVÊS DAI CITADINS
par cure de Associazion di promozion sociâl “Per la Costituzione A.P.S.” di San Denêl
Dopo di une analisi su la diference tra dirits e dovês, i dovês a saran scrutinâts fint insom parcè che, ancje se a son pôcs in confront ai dirits, a son fondamentâi pal rispiet di un cul altri, pe cressite comun, pe pacifiche convivence civîl de int dentri dal Stât.
Joibe ai 11 di Mai dal 2023, des 5:00 aes 7:00 di dopodimisdì in linie su zoom
REGULIS PAL BENSTÂ
par cure de Fidas Isontina
Parcè donâ sanc e parcè tignîsi di cont? Une riflession su la impuartance dal benstâ a tacâ di piçui, par stâ in salût e par fâ dal ben.
Joibe ai 18 di Mai dal 2023, des 5:00 aes 7:00 di dopodimisdì a Palme in vie Nadison, 43
VISITE AE SEDE DE PROTEZION CIVÎL FVG
par cure dal Servizi volontariât, nue 112 e sistemis tecnologjics de Regjon Autonome Friûl Vignesie Julie