CORS IN LINIE PAR IMPARÂ A SCRIVI PAR
FURLAN
dai 16 di Fevrâr dal 2021
La seconde edizion dute in linie dal cors par imparâ a SCRIVI par
furlan
Un gnûf cors su la plateforme MOODLE pal e-learning dal Docuscuele
Un grup di docents pardabon unic
Un cors increditât daûr des liniis vuide MIUR cun atestât finâl bon par
iscrivisi te liste regjonâl
La pussibilitât di stâ daûr a lis lezions cuant che si à il timp par
fâlu
Une metodologjie inovative par imparâ une lenghe
Esperts a disposizion par ducj i dubis
Il Docuscuele – Centri regjonâl di documentazion
ricercje e sperimentazion didatiche pe scuele furlane
al
organize la seconde edizion in linie su plateforme Moodle dal cors di lenghe
furlane par insegnants di ducj i ordins di scuele (de scuele de infanzie ae
secondarie di secont grât).
Il cors
al vûl dâ ai docents lis competencis necessariis di gramatiche – fonologjie,
morfologjie e sintassi – par podê doprâ in maniere juste la lenghe furlane
scrite. Par chest si zovarà dai insegnants plui preparâts cun titui academics
specifics par garantî la cualitât alte dal percors di formazion proponût, che
si insiorarà ancje di elements di storie de lenghe, semantiche, linguistiche
comparade, toponomastiche, storie dal Friûl. E dut chest si disviluparà lant
daûr des metodologjiis plui valevulis par imparâ une lenghe come l’ûs des mapis
mentâls par memorizâ miôr e la metodologjie indutive par compagnâ il corsist
intun percors di scuvierte graduâl: de osservazion autonome dai câs par cirî di
ricognossi la regule, al metisi in zûc cun esercizis sempliçs par verificâ se
la ipotesi fâte e stâ in pîts, fin a cognossi la regule in ducj i siei detais
in gracie de spiegazion di tutors esperts che a gjavaran ducj i dubis!
La direzion sientifiche e je di Franco Finco, che
al coordene une scuadre di nivel cun dentri Ada Bier, Fabio Boltin, Linda
Picco, Maria Chiara Visintin e Gabriele Zanello.
Il cors
si articole in 4 modui:
1. Fonologjie e grafie furlane
2. Morfologjie nominâl
3. Morfologjie verbâl
4. Morfologjie pronominâl
Ogni
modul al è organizât su 4 setemanis di ativitâts (input di riflession, video
lezions, esercizis, aprofondiments…) cuntune verifiche finâl.
Il cors al è a
gratis. Par notâsi si à di scrivi une mail a info@scuelefurlane.it e
compilâ la schede us vignarà mandade. La iscrizion e vignarà confermade di une
mail di riscuintri, cence il riscuintri la iscrizion no je valevule.
Il cors al
è ricognossût par 30 oris daûr des liniis vuide MIUR cuntun atestât a pueste.
La prime
lezion di presentazion dal cors si tignarà martars ai 16 di Fevrâr aes 17,30 su
plateforme zoom. Il codiç di acès al sarà mandât a ducj i iscrits.
Par vê plui informazions si pues scrivi a info@scuelefurlane.it