Par rispuindi a la necessitât di formâ il personâl docent interni dai I.C. dal Friûl, il Docuscuele – Centri regjonâl di documentazion ricercje e sperimentazion didatiche pe scuele furlane (servizi pe scuele de Societât Filologjiche Furlane) al organize un cors ricognossût di bande de Regjon autonome Friûl Vignesie Julie tant che titul formatîf par jentrâ te liste regjonâl dai insegnants esperts di lenghe furlane.
Il percors al è viert ai insegnants di scuele de infanzie, primarie e secondarie di prin grât.
SCRIVI a scuele_Percors in modalitât blended (21 oris)
di Fevrâr 2026 par 10 lezions di dôs oris (la ultime lezion e sarà di trê oris pal test finâl) in modalitât blended tai Istitûts Comprensîfs di
Aquilee (te scuele di Flumisel pe Basse furlane)
Codroip (pal Friûl di Mieç)
Cormons (pal Friûl Orientâl)
Manià (te scuele d Vivâr pal Friûl Ocidentâl)
Tresesin (par Udin e zone culinâr)
Tumieç (pe mont furlane)
10 lezions in presince in modalitât blended cun 6 lezions in presince e 4 in linie cun chescj contignûts:
• conversazion par esercitâ la lenghe orâl
• ripàs des regulis di fonde de grafie e de gramatiche de lenghe furlane
• esercizis di detât, leture e comprension dal test
• esercizis di traduzion dal talian al furlan e dal furlan al talian
• scrivi: i regjistris e il lessic specialistic
• dizionaris furlans e imprescj informatics pe lenghe furlane
• didatiche CLIL par furlan
• buinis pratichis par insegnâ la lenghe furlane
• argoments specifics daûr dal interès dai partecipants dal cors
Par iscrivisi si à di compilâ il modul google https://forms.gle/oQd63dE7HhFV38Bw5
Par informazion si pues scrivi a info@scuelefurlane.it
A puartâ indenant il cors e je une scuadre di docents une vore cualificâts cun esperience e titui academics specifics par garantî la cualitât alte de nestre propueste formative:
- ADA BIER
- SERENA FOGOLINI
- GIANLUCA FRANCO
- ANNALISA GALATI
- SILLA STEL
Il percors di formazion al è ricognossût insiemi a SCRIVI in linie par 51 oris cun atestâts di pueste.
Il cors al è a gratis.