Descrizione
A son di pôc disponibii intes librariis dal teritori dîs gnûfs titui in lenghe furlane, dedicâts ai fruts di variis fassis di etât e risultât de colaborazion fra ARLeF e lis cjasis editoris KappaVU, Corvino, Futura Edizioni e L'Orto della Cultura. E je la seconde serie des golainis finanziadis de ARLeF cun bant trienâl di pueste, pensadis par stimolâ la capacitât di vierzisi al mont e la curiositât dai plui piçui pe diversitât linguistiche e culturâl de regjon, e par ufrî aes scuelis, aes fameis e ai operadôrs culturâi materiâl di cualitât.
"Vanilie e soreli" e "Doi nonos scompagnâts" a son proponûts inte golaine “FAMEIS” de Kappa Vu.
La golaine/racuelte “A OGNI FRUT IL SO LIBRUT”, di Corvino Edizioni, e propon invezit percors esploratîfs di cognossince e esperiencis adatis pai plui piçui, vuidâts dal protagonist Gjat Ut cu lis sôs storiis domestichis aventurosis. Trê i titui che si zontin chest an: "Ce fasino i amîs di UT?", "AUTun" e "MusicUTe", des autoris Deborah Crapiz e Doriana Alessi.
E je indreçade ad implen ai fruts plui picinins invezit la golaine “FREE&ULLI” di Futura Edizioni. I cuatri gnûfs titui, simpri di Patrizia Geremia, a son: "Stagjons", "Colôrs", "Pomis e verduris", "Piçulis voris", cu la comparse dal gnûf personaç Schwarz, che insiemi cun Ulli che al fevele par furlan e Free che al fevele par inglês, al insegnarà ai fruts cualchi peraule par todesc.
L'Orto della Cultura al è infin in librarie cul libri "MA par fortune" curât di Sandra Fabris e di Renata Gallio.
Ducj i libris si puedin comprâ tes librariis dal Friûl. Par informazions o par cui che al fos interessât a presentazions e/o laboratoris di leture tes librariis, bibliotechis, istitûts scolastics, ludotechis, o par apontaments a teme, al è pussibil contatâ il Sportel Regjonâl pe Lenghe Furlane ae direzion: info@sportelfurlan.eu
Note
Lis propuestis, par variis fassis di etât, a son il risultât de colaborazion fra la ARLeF e lis cjasis editoris KappaVU, Corvino, Futura e L'Orto della Cultura.