FRUTS!
FESTIVAL DE LETERATURE PE INFANZIE IN LENGHE
FURLANE_2e EDIZION
dai 18 di Novembar ai 6 di Dicembar
PES SCUELIS, PAI INSEGNANTS E PAI
CURIÔS…
PAR LEI E PAR LASSÂSI INMAGÂ DAL SUN DES PERAULIS E DAL LÔR LENGAÇ!
I LABORATORIS PES SCUELIS
IL DRÂC DI UDIN
di Luigino Peressini
cu la colaborazion dai arlêfs de scuele de infanzie “Mario Andretta” di Lignan
DAI 19 DI
NOVEMBAR
IL DRÂC DI UDIN cun Michele Polo
Laboratori di pipins pes scuelis maternis e ancje di
scriture creative pes primariis par creâ une storie cuntun finâl personalizât
di meti adun in classe e di interpretâ intun spetacul cul jutori dai pipins e
des fameis…
Su prenotazion:
trê incuintris (un in classe e doi inte nestre sede di Udin in vie Manin 18)
cun Michele Polo, atôr e atelierist, che al insegnarà a fâ pipins cu lis sedons
di len e cui blecs di stofe che a deventaran, par incjant, cavalîrs e oms
valents bogns di liberâ la citât dai drâcs o di altris creaturis vignudis fûr
de fantasie dai fruts…
Ativitât
gratuite e disponibile par massime cuatri classis, sieltis daûr dal ordin di
prenotazion. Par notâsi scrivi une mail a info@scuelefurlane.it o clamâ il n. 0432.501598 int.5.
LEI E SCOLTÂ LIS FLABIS DE TRADIZION
“Audioflabis par furlan” cun Aida Talliente e Michele Polo
Glemone, Scuelis de infanzie
dai 19 ai 23 di Novembar
I sunadôrs cercandui di Breme, Il
gjat cui stivâi e Il brut razut:
trê titui de tradizion voltâts par furlan di Raffaella Picco e lets di doi
atôrs une vore brâfs tant che Aida Talliente e Michele Polo intun progjet dal
Comun di Glemone fat adun cun Radio Onde Furlane.
“Il gjat cui stivâi” voltât di Gianfranco Grion cun Aida Talliente e Michele Polo
Caprive e Cormons, Scuelis de infanzie – Martars ai 27 di Novembar
Un gjat
scaltri e svelt, un puar zovin in cercje di fortune, un re, une principesse, un
marchês propit orcul… Une storie simpri biele in cualsisei lenghe, massime in
furlan te version di Gianfranco Grion!
I INCUINTRIS FORMATÎFS PAI
INSEGNANTS
LEI IL TERITORI
cun Luigino Peressini
Udin, Palaç Mantica, vie Manin 18 – Joibe ai 29 di Novembar aes 17:00
Un viaç sul nestri
teritori di Glemone a Spilimberc, di Martignà a Tramonç, di Udin a Lignan… fra
druidis, aganis, drâcs e benandants. La ricercje des tradizions, il dissen e la
scriture creative: chescj a son i trê ingredients fondamentâi che Luigino
Peressini al met adun tes sôs ricetis che a puartin la magjie e il svolâ libar
de fantasie tes classis!
A compagnâ Luigino su chest troi a saran Lieto Molinaro, dirigjent scolastic,
Giuliana Massaro, mestre, e Marzia Plaino, bibliotecarie.
LEI A VÔS ALTE
cun Monica Aguzzi
San Vît dal Tiliment, Palaç dal Municipi – Sale dal Consei, place dal Popul 38
– Lunis ai 3 di Dicembar
Un apontament di dôs oris plenis par
lavorâ insiemi su lis motivazions e i obietîfs de leture a vôs alte, su cemût
preparâsi par une leture, su cemût impostâ la vôs par fâ in maniere che in
dutis lis scuelis si fasin simpri plui leturis animadis par furlan, par difondi
sunôrs, ritmis e espressions de nestre lenghe, par fâ cognossi il patrimoni
leterari locâl. Cul jutori di Monica Aguzzi, atore, educadore, formadore di
letôrs volontaris e promotore de leture fra i zovins.
IL FURLAN TANT CHE SPAZI DI INCLUSION A SCUELE.
SUGJERIMENTS PEDAGOGJICS
cun Davide Zoletto
Udin, sale cunvignis de Fondazion
Friûl, vie Manin 15 - Vinars ai 30 di Novembar, aes 17:00
Il
furlan tant che spazi interculturâl e di inclusion. La ore di furlan tant che
timp ideâl pal confront fra culturis diferentis che a son presintis aromai in
dutis lis classis. Lis contis e i libris ilustrâts e scrits in cualsisei lenghe
tant che lûc dulà cjatâsi, pont di contat e di scambi vicendevul. Chescj i
argoments che il Prof. Davide Zoletto, docent di leterature pe infanzie dal Dipartiment
di lenghis e leterature, comunicazion e societât de Universitât di Udin, al
frontarà par dâ gnovis prospetivis ai insegnants di furlan.
I incuintris a son a gratis e increditâts
daûr des Liniis Vuide MIUR 2016-2019. I timbris te tessare personâl DOCUSCUELE, a
atestaran lis oris fatis (cui che nol à ancjemò la sô tessare al pues
domandâle).
Si à di segnâsi cuntune mail a info@scuelefurlane.it (clamâ il n. 0432-501598
int.5 se a la vuestre prenotazion no i ven daûr une rispueste!)
I INCUINTRIS PES FAMEIS
LEI CU LA MUSICHE
cun La giraffa con gli occhiali
Udin, Palaç Mantica, vie Manin 18 – Domenie ai 18 di Novembar aes 10:30
Incuintri pes fameis. I plui biei libris ilustrâts de
editorie di cumò a incuintrin la lenghe furlane intun leam che al va di là di
cualsisei lenghe: la musiche!
Cuatri amîs cun dôs passions pardabon grandis, la leterature pai fruts e la
musiche, a metin adun un spetacul che al cjape dentri grancj e piçui intun
ritmi vivarôs e siôr di contignûts che a fasin pensâ.
LEI E SCOLTÂ LIS FLABIS DE TRADIZION
“Audioflabis par furlan” cun Aida Talliente e Michele Polo
Glemone, Museu Civic Palaç Elti (sale dal prin plan) – Joibe ai 22 di Novembar
aes 17:30 te suaze
de setemane “Nati per leggere”
I sunadôrs cercandui di Breme, Il
gjat cui stivâi e Il brut razut:
trê titui de tradizion voltâts par furlan di Raffaella Picco e lets di doi
atôrs une vore brâfs tant che Aida Talliente e Michele Polo intun progjet dal
Comun di Glemone fat adun cun Radio Onde Furlane. Par puartâ tes cjasis di ducj
i fruts la leture in marilenghe des flabis plui cognossudis midiant di un cd
che al sarà presentât e dât fûr pe ocasion.
“Il gjat cui stivâi” voltât di Gianfranco Grion cun Marco e i
letôrs volontaris de Librarie Faidutti di Gurize
Caprive, Centri Civic – Lunis ai 26 di Novembar aes 17:30
Un gjat
scaltri e svelt, un puar zovin in cercje di fortune, un re, une principesse, un
marchês propit orcul… Une storie simpri biele in cualsisei lenghe, massime par
furlan te version di Gianfranco Grion, passionât e cultôr de marilenghe!
EVENT SPECIÂL!!!!
SAN NICOLAU E IL PIÇUL KRAMPUS IN PALAÇ MANTICA
cul Grup Teatri Pordenon Luciano Rocco – Francesco Bressan e Michela Passatempo
Udin, salon di Onôr di palaç
Mantica, vie Manin 18
Joibe ai 6 di Dicembar, San Nicolau, aes 17:30
Il
piçul Krampus vignût fûr de fantasie de ilustradore Barbara Jelenkovich e de
scritore Giovanna Zordan al è deventât grant e si è metût in viaç di Tarvis par
vignî a cjatânus ca a Udin! O scoltarìn la sô storie, judantlu a cjatâ ce che
al à pierdût e, ae fin, o mangjarìn i siei dolçs, dâts fûr nuie di mancul che
di Sant Nicolau in persone!
Un dopomisdì di no pierdi!!!!
Dutis lis ativitâts a son a gratis. Par cuistions organizativis e di
sigurece us invidìn a notâsi a lis iniziativis che, dut câs, a previodin un
numar limitât di puescj daûr de sale dulà che si davuelzin. Clamait il n.
0432.501598 int. 5 o scrivêt une mail a info@scuelefurlane.it
Finanziât di
Regjon autonome Friûl Vignesie Julie
ARLeF
Realizât di:
Societât Fililogjiche Furlane
In
colaborazion cun:
Ufficio scolastico Regionale
Comun di
Glemone
IC di Glemone
Comun di
Cormons
Comun di Caprive
IC Cormons
Comun di San
Vît dal Tiliment
Radio Onde
Furlane
Radio Spazio 103