Sabide ai 29 di Fevrâr si tignarà l’incuintri che al siere la tierce edizion dal cors on line di CLIL par furlan metût adun de Societât Filologjiche Furlane cul Universitât Ca’ Foscari di Vignesie.
L’incuintri al è un moment di aprofondiment su cetancj aspiets de lenghe furlane e de didatiche, come che si viôt dal program.
Propit par chest la iniziative e je vierte a ducj i docents, no dome a chei che si son segnâts te plateforme e che a àn fat il cors MOOC on line (lôr a varan un atestât di pueste).
Duncje, ducj a puedin segnâsi ae zornade formative dai 29 di Fevrâr, che si tignarà a Udin in Palaç Mantiche in vie Manin des 14:00 aes 19:00, notantsi a chest link: forms.gle/aFrxwRNm1qaKB8936
Lis 5 oris di formazion dal seminari a saran ricognossudis daûr des liniis vuide MIUR 2016-19 te tessare dal DOCUSCUELE (cui che no le à ancjemò e pues domandâle in cheste ocasion, cui che le à che si visi di puartâle!).
SABIDE AI 29 DI FEVRÂR DAL 2020
PALAÇ MANTICA
VIE MANIN 18, UDIN
FARE CLIL… PAR FURLAN! III edizion
PROGRAM
14:15 Viertidure dai lavôrs in plenarie
Ada BIER (DSLCC, Universitât Ca’ Foscari):
Il MOOC: riflessions su la tierce edizion
Andrea MARINI (Universitât di Udin):
Una panoramica delle caratteristiche cognitive della competenza bilingue
Fabio BOLTIN (Formatôr libar professionist):
Mapis mentâls: parcè doprâlis par insegnâ
16:45 polse
17:00 Costruî un percors CLIL: potenzialitâts e sfidis
Luciana FAVARO (DSLCC, Universitât Ca’ Foscari):
Il CLIL pe infanzie
Ada BIER (DSLCC, Universitât Ca’ Foscari):
Il CLIL pe primarie
Donatella BELLO (I.C. San Denêl dal Friûl):
Il CLIL pe secondarie
18:45 Sieradure dai lavôrs, consegne atestâts e salûts