Descrizione
E je inviade la edizion 2018/2019 dai Cors pratics di lenghe furlane, inmaneâts ogni an de Societât Filologjiche Furlane cu la colaborazion dai Comuns dal Friûl.
Tai cors pratics si studiin la gramatiche e la grafie de lenghe furlane, cun chê che si lei e si scrivi simpri di plui in marilenghe. Si fevele ancje dai aspiets storics, culturâi, leteraris e des tradizions popolârs. Propit cun chest fin, in armonie cui cors, si organizin lezions viertis (ven a stâi conferencis là che a puedin partecipâ ducj) e ancje visitis guidadis in lûcs de regjon che a àn un interès storic e artistic particolâr.
Lis lezions a son viertis a ducj, cence limits di etât. Nol covente un titul di studi specific e nol covente nancje savê fevelâ furlan. I cors a son a gratis e a durin 13 lezions, par 26 oris in totâl.
L'atestât di frecuence al ven dât a cui che al frecuente almancul il 70% des oris di lezion e al è titul culturâl par jentrâ te Liste regjonâl di insegnants cun competencis di lenghe furlane.
Liste des localitâts sede di Cors pratic, cu lis indicazions di oraris e lûcs (calendaris in fase di definizion):
Cjampfuarmit - il cors, tignût de dot.sse Annalisa Galati, al tacarà miercus ai 6 di Fevrâr dal 2019, orari 20-22, te sede de Pro Loco in vie De Amicis 2. Info e iscrizions: biblioteca@comune.campoformido.ud.it
Cjarlins - il cors, tignût dal siôr Michele Calligaris, al tacarà joibe ai 7 di Fevrâr dal 2019, orari 20-22, te Biblioteche comunâl
Codroip - a son doi cors, in Biblioteche: 1. dai 7 di Zenâr dal 2019, ducj i lunis, orari 20.30-22.30, cul prof. Gottardo Mitri; 2. dai 16 di Zenâr dal 2019, ducj i miercus, orari 20.30-22.30, cul dot. Flavio Vidoni
Colorêt di Montalban - il cors, tignût de dot.sse Cristina Leita, al tacarà martars ai 22 di Zenâr dal 2019, a lis 20, te sede de Biblioteche comunâl. Iscrizions al numar 0432 889864 e a la mail biblioteca@comune.colloredodimontealbano.ud.it; segreteria@com-colloredo-di-monte-albano.regione.fvg.it
Gurize - il cors, tignût de dot.sse Maria Chiara Visintin, al è tacât miercus ai 16 di Zenâr dal 2019, te sede de Societât Filologjiche in vie Bellini 3. Lis lezions a van indevant ogni miercus cun orari 18-20
Jalmic di Palme - il cors, tignût de dot.sse Silla Stel, al è tacât ai 5 di Dicembar. Lezions di miercus, te sede de Pro Loco, cun orari 18-20. Informazions a la mail: rodimagg@tin.it
Manià - il cors, tignût de siore Annalisa Gasparotto, al è tacât sabide ai 19 di Zenâr dal 2019, in biblioteche, cun orari 15-17. Iscrizions ancjemò viertis a la email biblioteca@maniago.it
Merêt di Tombe - il cors, tignût dal dot. Flavio Vidoni, al è tacât lunis ai 7 di Zenâr dal 2019, cun orari 20.30-22.30, te sede dal Dopolavoro di Tombe (ex latarie). Iscrizions ancjemò viertis: email cultura@comune.meretoditomba.ud.it - tel 0432 865148
Prissinins - il cors, tignût de dot.sse Serena Fogolini, al tacarà joibe ai 24 di Zenâr dal 2019 a lis 20.30 tal Centri Civic. Te prime lezion e sarà la presentazion dal "Strolic Furlan pal 2019" cun Dani Pagnucco - Iscrizions li dal Sportel Associât de Basse Furlane, email: sportel.furlan@bassefurlane.eu
Reane dal Rojâl - il cors, tignût de siore Adina Ruffini, al tacarà martars ai 29 di Zenâr dal 2019 a lis 17.30 te biblioteche di Remugnan, vie Battaglione Julio 7. Iscrizions in biblioteche: tel. 0432 856250, email: biblioteca.comunale@comune.reanadelrojale.ud.it
Ruvigne - il cors, tignût dal dot. Giorgio Pascoli, al tacarà joibe ai 24 di Zenâr dal 2019, cun orari 17.30-19.30, te Cjase dai Zovins (vie C.A. Dalla Chiesa in Vile)
San Denêl - il cors, tignût dal dot. Giorgio Pascoli, al tacarà martars ai 22 di Zenâr dal 2019, cun orari 20-22, li dal ex municipi (vie Garibaldi)
San Vît dal Tiliment - il cors, tignût dal siôr Eddi Bortolussi, si ten di sabide, cun orari 15-17 te Sale Consiliâr di Palaç Rota
Spilimberc - il cors, tignût dal prof. Gottardo Mitri, al è tacât miercus ai 9 di Zenâr dal 2019, cun orari 17-19, te Cjase dal Student
Tavagnà - il cors, tignût de siore Adina Ruffini, al tacarà lunis ai 4 di Fevrâr dal 2019 a lis 17 te biblioteche di Felet, vie Mazzini 9. Te prime lezion e sarà la conference dal prof. Enos Costantini che al fevelarà di "Onomastiche" - Iscrizions li dal Ufici culture, email: lenghe.furlane@comune.tavagnacco.ud.it
Tumieç - il cors, tignût dal dot. Enrico Radivo, al tacarà martars 29 di Zenâr a lis 18, te Sale polifunzionâl in vie De Marchi. Lis lezions a laran indevant di joibe cun orari 20-22, te Sale multimediâl di Palaç Frisacco
Udin - il cors, tignût dal dot. Flavio Vidoni, al è tacât vinars ai 11 di Zenâr dal 2019 a lis 17.30 te sede de Societât in vie Manin 18
Altris cors a saran inviâts a Aquilee, Cividât, Mueç, Sopule, Voleson Darzin.
Lis iscrizions si cjapin sù tes segretariis dai Comuns (scjariâ la schede dal download)
Lis iscrizions dai cors di Udin e Gurize si cjapin sù scrivint a la mail formazione@filologicafriulana.it