PERCORS DI FORMAZION
pe presentazion dai tescj di/in lenghe furlane pe scuele primarie: ANÌN! 1 e ANÌN! 2
La iniziative, promovude de ARLeF in atuazion dal Plan gjenerâl di politiche linguistiche pe lenghe furlane 2021-2025 de Regjon Autonome Friûl-Vignesie Julie, e puartade indenant in colaborazion cun Docuscuele - Societât Filologjiche Furlane, e à il fin di presentâ lis carateristichis pedagogjichis, metodologjichis e didatichis dal prin manuâl pal insegnament de lenghe e de culture furlane te scuele primarie.
Il percors, indreçât ai docents des scuelis primariis inserîts te liste regjonâl, al rapresente une oportunitât impuartante par:
- cognossi l’implant pedagogjic e lis potenzialitâts operativis de propueste editoriâl di/in lenghe furlane “Anìn!”;
- puartâ insom l’impegn formatîf che al tocje ogni docent pal so inzornament continui, cun chê di garantî la cualitât de didatiche inte scuele furlane.
Il cors al tacarà joibe ai 26 di Otubar aes 5:00 dopomisdì cuntun incuintri di dôs oris su Zoom, dulà che la Prof.e Rosalba Perini e presentarà i contignûts dal cors e la metodologjie doprade.
Dut il rest dal percors di formazion, fat di materiâi di aprofondiment e videolezions, al sarà disponibil su la plateforme Moodle dal Docuscuele in modalitât asincrone par dâ la pussibilitât di stâ daûr da lis ativitâts cuant che si à il timp par fâlu.
Il cors al è a gratis. Par notâsi si à di fracâ sul boton ISCRIVITI adalt a man drete di cheste pagjine. La iscrizion e vignarà confermade di une mail di riscuintri, cence il riscuintri la iscrizion no je valevule.
Il cors al è ricognossût par 21 oris daûr des liniis vuide MIUR cuntun atestât a pueste.