“AQUILEE, LA STORIE DI UNE CAPITÂL”
PRESENTAZION DAL VIDEO DOCUMENTARI
Vinars ai 3 di Fevrâr dal 2023 des 11:00 aes 13:00
in presince li de sede de Societât Filologjiche Furlane – Udin, vie Manin 18
o ben a distance dal vuestri istitût scolastic su plateforme Zoom
Vie pe prime part dal laboratori al vignarà mostrât il documentari in lenghe furlane “Aquilee, la storie di une capitâl” cun sottitui par talian.
La seconde part e je invezit dedicade a aprofondiments e domandis di bande dai students.
A saran presints il regjist, Marco D’Agostini, e l’autôr dal sogjet e dai tescj, Luca De Clara.
L’incuintri al larà indenant plui o mancul par dôs oris.