4 puescj in Filologjiche pai operadôrs volontaris dal Servizi Civîl Universâl
LIS DOMANDIS A ÀN DI RIVÂ DENTRI DES
2 DOPOMISDÌ DAI 10 DI OTUBAR
Al e dât fûr l’avîs pe selezion di 39.646 operadôrs volontaris di inviâ intai 3.797 progjets di Servizi Civîl Universâl in Italie e tal forest.
Par presentâ la domande bisugne vê disevot agns finîts e no plui di vincjevot. I operadôrs volontaris a àn dirit a un assegn di 439,50 € ogni mês.
Il progjet de Societât Filologjiche Furlane
La Societât Filologjiche Furlane e met a disposizion 4 puescj dentri dal progjet Pal furlan lenghe vive / Per un friulano lingua viva.
Il servizi al durarà dodis mês par 5 dîs par setemane.
Cemût fâ domande
Cui che al vûl deventâ operadôr volontari al à di presentâ la domande di partecipazion dome su la plateforme Domande on line (DOL) che si pues viodi su PC, tablet e smartphone ae direzion
https://domandaonline.serviziocivile.it.
Bisugne presentâ la domande dentri des 2 dopomisdì dai 10 di Otubar dal 2019.
Par compilâ e presentâ la domande su la plateforme DOL bisugne jessi ricognossûts dal sisteme. Dôs lis manieris:
- i citadins talians residents in Italie o tal forest e i citadins di Paîs fûr de Comunitât Europeane ma in regule cul permès di permanence in Italie a puedin jentrâ dome cun SPID, il Sisteme Public di Identitât Digjitâl. Tal sît de Agjenzie pe Italie Digjitâl
agid.gov.it/it/piattaforme/spid si cjatin dutis lis informazions su ce che al è SPID, cuâi che a son i servizis e cemût che si domande.
- i citadins di un Paîs de Comunitât Europeane, che nol sedi Italie o Svuizare, Islande, Norvegjie e Liechtenstein, che ancjemò no puedin domandâ SPID, e i citadins dai Paîs fûr de Comunitât Europeane in spiete dal permès di permanence, a puedin jentrâ te plateforme DOL domandant lis credenziâls al Dipartiment, daûr de procedure che si pues viodi su la home page de plateforme stesse.
Par informazions:
Katia Bertoni
tel. 0432/501598 int. 2
mail:
biblioteca@filologicafriulana.it
Par altris informazions viôt ancje i sît
www.serviziocivile.gov.it.