SCUELE DI AVOST 2021
Cuinte edizion
La formule de Scuele
di Avost, rivade ae sô cuinte edizion, e reste simpri compagne ancje te
modalitât in linie: si trate di un percors di formazion articolât e increditât
daûr lis Liniis Vuide MIUR.
E je vierte ai
insegnants di ducj i ordins scolastics (de scuele de infanzie aes scuelis
superiôrs).
La partecipazion e
je libare e gratuite: si pues iscrivisi a dut il percors formatîf, dome a une
zornade o dome a une o plui lezions.
Ai partecipants ur
vignarà dât un atestât a pueste cu lis oris fatis.
Si domande di
segnâsi ae iniziative dentri di vinars ai 20 di Avost midiant de schede di
iscrizion disponibile fracant parsore dal boton ISCRIVITI ca parsore a man drete.
La iscrizion e je
valide dome se us rivarà une rispueste di conferme, se no clamait il
0432.501598 (int.5). Dentri di martars ai 24 di Avost us rivarà une mail cui
colegaments par acedi a lis lezions su la plateforme Zoom, dulà che si varà di
regjistrâsi cun non e cognon par lassâ olme des oris di formazion fatis e vê
cussì l’atestât ae fin dal percors.
Vioditi dut il program discjariant il volantìn che tu cjatis in cheste pagjine.
Lis ativitâts si davuelzaran ai 25, 26 e 27 di Avost.