Evento - Attività

Cors pratics di lenghe furlane

dal
al
Soggetti
  • ARLeF - Agjenzie Regjonâl pe lenghe furlane
  • Comune di Codroipo
  • Società Filologica Friulana
Comune
Vari del Friuli
Provincia
UD - PN - GO
Sede
variabili in base a ciascun corso
Telefono
0432 501598 (int. 3)
Destinatari
tutti
Descrizione
E  je inviade la edizion 2017/2018 dai Cors pratics di lenghe furlane, inmaneâts ogni an de Societât Filologjiche Furlane cu la colaborazion dai Comuns dal Friûl. 
Tai cors pratics si studiin la gramatiche e la grafie de lenghe furlane, cun chê che si lei e si scrivi simpri di plui in marilenghe. Si fevele ancje dai aspiets storics, culturâi, leteraris e des tradizions popolârs. Propit cun chest fin, in armonie cui cors, si organizin lezions viertis (ven a stâi conferencis là che a puedin partecipâ ducj) e ancje visitis guidadis in lûcs de regjon che a àn un interès storic e artistic particolâr. 
Lis lezions a son viertis a ducj, cence limits di etât. Nol covente nissun titul di studi specific e nol covente nancje savê fevelâ furlan. I cors a son a gratis e a durin 13 lezions, par 26 oris in totâl.
L'atestât di frecuence al ven dât a cui che al frecuente almancul il 70% des oris di lezion e al è titul culturâl par jentrâ te Liste regjonâl di insegnants cun competencis di lenghe furlane.

Liste des localitâts sede di Cors pratic, cu lis indicazions di oraris e lûcs des lezions (calendaris in definizion):

Cjampfuarmit - 31 di Zenâr, orari 8-10 di sere, te Pro Loco, vie E. De Amicis, 2. La docent e je la dot.sse Annalisa Galati. 
Cividât - 14 di Fevrâr, orari 5-7, in biblioteche. La docent e je la siore Adina Ruffini.
Codroip: a son tacâts doi cors, in biblioteche, 8.30-10.30 di sere: dai 8 di Zenâr, ogni lunis, cul prof. Gottardo Mitri; dai 10 di Zenâr, ogni miercus, cul dot. Flavio Vidoni.
Colorêt di Montalban - fin di Zenâr, zornade e orari di decidi. La docent e je la dot.sse Cristina Leita.
Flaiban - Merêt di Tombe - Sedean - al è tacât a Flaiban martars ai 9 di Zenâr cul dot. Flavio Vidoni.
Gjalarian di Listice - 29 di Zenâr, orari 8-10 di sere, te Cjase de Comunitât, cul prof. Dario Chialchia. 
Gurize - 29 di Zenâr, orari 6-8 di sere, te sede de Societât Filologjiche Furlane, vie Bellini 3. La docent e je la siore Anna Madriz.
Manià - 20 di Zenâr, orari 3-5 sabide dopomisdì, in biblioteche, docent Annalisa Gasparotto. 
Mueç - 15 di Zenâr, cu la dot.sse Barbara Cinausero Hofer.
San Vît dal Tiliment - 13 di Zenâr, orari 3-5 dopomisdì, te Sale consiliâr, Palaç Rota. Docent il siôr Eddi Bortolussi.
Spilimberc - 10 di Zenâr dal 2018, orari 5-7 li de Cjase dal Student, vie Udine 3. Docent prof. Gottardo Mitri.
Tavagnà - 5 di Fevrâr,  orari 5-7 dopomisdì, li de Biblioteche comunâl di Felet, vie Mazzini 9. La docent e je la siore Adina Ruffini. 
Udin - 19 di Zenâr, orari 5-7 di sere, cul dot. Flavio Vidoni, te sede de Societât Filologjiche Furlane.

Altris cors a vignaran ativâts a Damâr, Cjarlins, Çarvignan, Morâr, Mortean, Reane dal Rojâl, Romans dal Lusinç, Ruvigne, San Denêl, Voleson Darzin.
Note
Par vê plui informazions lait su la pagjine de Societât Filologjiche Furlane a chest link: Cors pratics di lenghe furlane

I Cors pratics di lenghe furlane a son inmaneâts cu la poie de ARLeF.